Press "Enter" to skip to content

Min Aung Hlaing Sakhan Mipi Hriamtlai Nih An Lak

Magway ramṭhen, Htilin peng, Cin khute palik sakhaan cu April 17 zinglei ah PDF-Htilin le a hawikom phu hna nih an kah tiah theih a si. Cu kahdohnak ahcun, mipi hriamtlai phu hna nih palik pawl CDM tuah ding in an fial hna. Palik an zapi te nih CDM tuah ding an lungtling sihmanhsehlaw sakhaan bawi nih a duh lo caah SAC sin ah phone a chawnh.

Cucaah sakhaan bawi cu an kah i a thi tiah PDF-Htilin riangeitu nih DVB ah a chim. “Sakhaan ah palik 20 leng an um i a dang palik pawl vialte cu chimh khawh an si, sakhaan bawi cu chimh khawh a si lo caah kan kah”. Sakhaan bawi nih SAC phone a chawnh hna ruangh Northwest Headquarters in Jet an rak thlah i a kah ko hna nain a khenmi an um lo tiah a chim.

Hriam he CDM a tuahmi palik 20 leng cu PDF-Htilin nih himnak hmun ah an kuat hna lai tiah theih a si. Yaw hmunhma ah a voikhatnak bik Palik sakhaan lak khawhnak a si i palik sakhaan a umnak khuate hna zong tlaih khawh ding ah kan i zuam lio a si tiah PDF-Htilin nih an thanh. Htilin peng chungah khua 74 a um i khua 70 leng kan tlaih khawh cang tiah YDF Htilin rianngeitu Thazin Zaw nih DVB ah a chim. The Chin Post

Sagaing ramthen, Tamu khua Myoma 12 sang nanphalon B.EH.S then ah hmunhma a khuarmi SAC ralkap pawl cu PDF-Tamu phukomh hna nih April 17 zaan sml 7:00pm ah an kah hna caah SAC ralkap 4 an thi tiah PDF-Tamu nih a thanh. PDF-Tamu battalion 1 le 2 in commando phukomh hna nih an i relh lo kar ah an kah hna i Sergeant telh in ralkap 4 an thih colh hi a si tiah a thanh.

Mipi hriamtlai phu hna nih hliamhma tuar lo tein an kirtak khawh hna i sml cheu a rauh hnu ah Tamu khua lei in mizaw phor mawtaw le SAC ralkap mawtaw an phan, hriamngan/hme he kah thlorh in an kah tiah theih a si. The Chinland Post

Be First to Comment

Leave a Reply

Your email address will not be published.