Min Aung Hlaing Sakhan Pahnih An Kah, Ralhrang Ceilak An Thi
Sagaing ramṭhen, Puang Pin peng, mizapi vengtu ralkap phu hna nih January 22 nikhat chung lawng ah palik sakhan pahnih cu an kah hna. Sakhan bawi tel in palik 8 an tlaih hna i hriamnam zong tam ngai an tlaih chihnak kong cu NUG nih PVTV ah a thanh.
Puang Pin peng, Mine Chuang palik sakhan le Ye Out Tuang palik sakhan cu January 22 zalei suimilam 3:00 hrawng ah Puang Pin PDF phu le Puang Pin peng Pah-Kah-Phah(ပကဖ ) hna nih an kah hna i hriamnam zong tam ngai an laak khawh, tiah theih a si.
Cu sakhan pahnih cun G3-7, Uye (အူဇီ)- 2, Rohkan( ရှော့ဂန်း)- 1, Kyauk Lung Pyo -1, 5.56 kuan 224, 7.62 kuan 1210, 9 mm kuan 509, Rohkan kuan 2, Kuan bawm 16, Phone 12, Computer 2 ( Laptop), inverter 2, namsau 1, phaisa 2,125,000mmk le angki zun 1 hna an laak khawh, tiah PVTV thawngthanhnak in theih a si. Khit Thit Media, The Chin Post
Yakhine ramkulh in pengkulh 5 chung ah Yakhine ralkap AA hna cu ralhrang bawmhnak in COVID-19 raikhamsii chunh an si. January 25 tiang ah AA phu minung 5,000 hrawng cu chunh dih an si cang, tiah AA in chimphuannak nawlngeitu U Khine Tukhah nih a chim.
Atu Yakhine ramkulh Covid raikhamsii aa chun mi, pengkulh 5 hna cu Yatehtawng, Butitawng, Mawngtaw, Kyauttaw, MyautOo peng hna an si i January 19, 2022 in chunh hram an thawk, tiah theih a si. Ralhrang le AA kar ah a hlankan in lungtlinnak a um hnu ah ralhrang ngandamnak lei department nih Covid raikhamsii an chunh hna hi a si tiah theih a si.
Vawlei ramkip ah buaipi mi Covid zawtnak in i runvennak ding ah Yakine ralkap zong atu bantuk in ralhrang phu he fonh in zawtnak raikhamsii chunh cuahmah a si, tiah AA lei nih cun an chim. AA cu 2009 in dirh hramthawk a si i atu ah hin chungtel minung 30,000 hrawng kan si cang, tiah AA Commander-in-Chief bu-choh Tun Myait nih a chim. BBC
