February 1 ah ralkap nih uknak an lak caah Cozah riantuan pawl nih ralkap uknak dohnak caah rian an tuan ti loh. Cucaah, Min Aung Hlaing nih February 11 ah cozah riantuan vialte riantuan dingin zangfah a nawl hna.Civil Disobedience Movement tiin Cozah riantuan pawl cu rian an tuan ti loh; zung zong an kai ti lo caah Min Aung Hlaing nih zangfah nawlnak a chim hi asi.
Min Aung Hlaing nih CDM pawl sinah zaangfah nawlnak a chimmi cu; Tulio ah misual pawl nih cozah riantuan pawl cu zung kai lo dingin forhfialnak an tuah caah cozah zung kai lomi an tampi. Misual pawl riantuannak tampi hmuh khawh asi. Kan lungthin duhnak zoh loin ram le mipi dawtnak thinlung he cozah riantuan cio hna usih.
Cozah riantuan hna nih Cozah caah ka tuan timi lungput he riantuan dingin zaangfah kan nawl hna” tiah a chim.Civil Disobedience Movement ruangah Min Aung Hlaing a lung re theih cang tiin CDM thazang petu nih Comment an pek len ti si.A bia chim mi cu mipi nih an cohlang lai maw ti cu theih khawh siti lo.Si nain atu lio dir hmun ah cun mipi lei le cozah rian ttuan mi hna nih cun,zeiah an relpiak lai lo le an thintu hung lai dah.
Be First to Comment