Min Aung Hliang Ruang Ah Aungla NSang Cu Kawlram Mipi nih Kan Ram ah Rak Tlung Ti Hlah Myanmar Flag Zong Hman i Thlakpi Ti Hlah Tiah An Kham Ve Cang

Myanmar rampi uknak nawlngeihnak cu ralkap nih a lak than i kawlram mipi vialte hacang rial in an vuihram cuahmah lio ah nihnih chung zeihmanh bia a chim ve lo an ti caah MMA arfi a simi Aungla NSang cu kawlram mi nih lak awk tlak lo bak in biafak fak in an thuat chih ve cang .Pumpak a facebook i cahmai ah siseh , comment nak ah siseh , Official Facebook page a hmanmi ah siseh, Instagram Official account ah siseh Myanmar mipi pawl nih faktuk in a cung ah vuihram nak bia an kuat i an langhter .

“Myanmar mipi nih chunvor tukmi na si i thazang pek tuk mi zong na si ve , zeibantuk dirhmun na phak zong ah nangmah lei ah kan rak dir peng ve zong na theih. Atu hi bantuk dirhmun kan phak lio caan le dirkamh kan herhtuk lio caan ah na hnu na kan chit men , hlasakthiam Rihanna hmanh nih a minthan nak hmangin kan ram chiatton nak kong ah social media ah heh tiah a kan aupi .

Rampi pa raltha tiah kan rak in chuanvor mi vialte cu hi maw a rak si kan mah tu kan ning a zak lehlam cang ” tiah Aungla NSang cu mi tampi nih an thuat i a lungtlin pitu zong tampi an um ve fawn. Aungla nih hin facebook account pahnih a hman i ralkap nih uknak an lak than hnu ah voikhat te lawng hmanthlak a thlah.Cuhmanh cu a mah pumpak hmanmi facebook ah a thlah fawn lo .Instgram he a connect mi a mah pumpak facebook official page lawng ah a thlah .

Hmanthlak a thlahmi cu Tial Zaathang le One Fc i an hawipa pakhat he an i thlak ti mi a si i “Tuzarh hi ka unaupa Tial Zaathang hrang ah a biapi tuk mi a si .Asinain cunak in a biapi deuhmi Myanmar rampi ah a cang cuahmah mi hi a si.Ka dawtmi ka mipi hrang ah thla ka cam i rampi ca zong ah niceu dawh te a chuah than khawh nak hnga thla ka cam fawn ” tiah a thlah .

Myanmar ram ah thil a cangmi kong ah cun ca a thlah ve than ko nain a mipi pawl nih na tlai tuk cang an ti i an diriam kho ti lo i a cung ah an vuihram nak a si .Thinhunnak hmanthlak ttawnchom mi tampi he comment nak ah an langhter chih i “Myanmar flag hman ai thlakpi ngam ding zong an si lo , kan ram zong ah rak kir ti hlah ” ti tiang in an thuat .