Press "Enter" to skip to content

Mindat le Matupi karlak ah a taap mi Council ralhraang pawl Matupi leiah an kal

Mindat le Matupi karlak ah a taap mi Council ralhraang pawl Matupi leiah an kal
============
Mindat in Matupi lei ah a kal mi Council ralhraang pawl cu meng 56 zawn ah lam a cimh ca ah an taap i, nihin ah lam an remh dih cang ca ah Matupi lei ah an ra tiah Matupi Times nih a tial.
Ke in a kal mi ralkap cheukhat nih meng 70 an rak lonh cang tiah a langhter. Hmanthlak ca: Chin le Sagaing tuk ding in a rak kai mi ralhraang pawl hmanthlak hlun a si.

thawngpang dang relchap : Phungluutlo thingphur motor Kawlin PDF nih mei in khangh
==============================
October 25 lio, Kawlin Peng ah phungluutlo in thing a phurtu ke 12 ngei motor pakhat cu Kawlin PDF nih mei in an khangh, motor khaaltu cu an thlah cang, tiah theih a si. “Kawlin Peng ah thinghau, fir le pawngkam rawhralnak a tuahtu cu fak piin dan kan i tat hna lai. Tutan motor kan khangh mi hi zohchun ding ah kan tuah mi a si,” tiah Kawlin PDF nih an thanh. The Hakha Times

thawngpang dang : Min Aung Hlaing naule nih Chuncung khuami thilri sing 780 man hrawng fir, inn chung thilri hrawh

Min Aung Hlaing naule nih Chuncung khuami thilri sing 780 man hrawng fir, inn chung thilri hrawh. Hakha in a ra mi Min Aung Hlaing naule nih Chuncung khuami thilri tangka in sing 780 man hrawng an fir, tiah kan theih.

Thilri an lak mi lak ah computer 1(desktop), laptop 2, camera 2, printer 1, FZ motorcycle 1, TV 5 le bike 1 an firpiak hna tiah kan theih.Thilri le tangka an fir mi hi aman kan tuak i sing 780 man hrawng a si. Cu hmanh cu thil manngei deuh pawl lawng kan tuak mi a si,” tiah khuami pakhat nih The Hakha Times ah a chim.

Chuncung khua ah hin inn 30 leng an bauh i thilri an lehthal dih. Tangka an fir i thilri zong an fir, tiah kan theih. The Hakha Times

Be First to Comment

Leave a Reply

Your email address will not be published. Required fields are marked *