Mindat Peng Chung Kahdohnak Hoha/Hruaitu Lutlaibik Ah Aung Myiat Htun Cu Rian An Khinh,Lutlai Bik A Si Hnu Ah Khua Mi Hna Ning Cang Lo In A Thah Len Hna
Kum 2021 chungah nawlngeihnak latu SAC ralhrang le CDF-Mindat karlak ah a chuakmi kahdohnak ah SAC ralhrang leikap ah sunghzatlaknak a chuah hnuin Mindat peng chung Toc lutlaibik Bohmugyi Thein Htun Aung cu hlawt hratin kahdohnak tuanvo latu lutlaibik ah Bohmugyi Aung Myiat Htun cu rian an khinh tiah theih a si.
Bohmygyi Aung Myiat Htun nih Mindat hrambunh ခလရ ၂၇၄ phu cu nawl pekin Mindat le Kanpalet hmunhma leiah kahdohnak tuahtu ralkap siseh hmun dangin a rak rami ralkap hna hohatu ding lutlaibik a si. Tuanvo a laaknak hmunhma chungah khuami hna cu ningcang loin thah an tong, hramhram in a thialter hna pinah minung le minung i zawnruahnak bawmnak peknak phihkhamnak tuahtu a si tiah CHRO nih cathanh an chuah.
CHRO nih Mindat University an sak lioah an hmanmi thilri tibantuk hna cu amah pumpak hlawtnak caah a zuar, hramhram in thahnawnnak le hremnak a tuah pinah a lamkip in mipi cungah harnak petu a si. Cupinah khua chung ummi nu cungah ningcang loin sualnak tuahtu zong a si tiah theih a si.
Mindat peng chung le Kanpalet peng chung 274 Battalion hruaitu lutlaibik ah (Mindat peng chung tawlreltu phu) cu caan karlak an dirh i, cu an dirhmi phu ah nawlngeitu lutlaibik tuanvo latu dingah Bohmugyi Aung Myiat Htun, Bohmu Aung Kyaw Soe le Bogyi Myo Min Min Ko hna cu tuanvo an pek tiah CHRO nih a langhter.crd the federal times
