Mino Minung 5 Bak Kutser Meithal Hen An Tlaih Hna
Tantuai Ah Kut Ser Mi Meithal He Minung 5 An Tlaih Hna. Arakan ramkulh, Tantuai peng ah kutser meithal he ramvai i minung 5 cu nizaan ah an tlaih hna tiah theih a si. Antlaih mi hna cu Tantuai peng, Ngapali khua, Zintaw veng in, Soe Lwin ( kum 22) Thet Myat Thun ( kum 17) Soe Min Oo ( kum 22) Tan Zin ( kum 19) Sau Lin Thun ( kum 15) hna an si.
Tantuai peng palek in palek bawi Aung Hin nih ” ramlak sa hna cu kutser meithal in an kah hna caah thawng kan theih sinah kan va fuh hna i kan tlaih hna ” tiah a chim. An 5 ningin tazacuai an si lai tiah theih a si.
Relchap; March 28, 2022, Myawaddy-Kawkareik,Asia lam cung ah Kahdohnak a chuak i Thilphur motor 2 a kang. Nizaan March 27 zinglei ah, Kayin ramkulh, KNU တပ်မဟာ (6)hmunhma, Myawaddy peng, Myawaddy -Kawkareik Asia lam cungah SAC le KNLA mipi vengtu ralkap fonh kahdohnak a chuak tiah theih asi.
Asia lam [တောနော် ရေတံခွန်] pawngah Kahdohnak a chuak i Thilphur motor 2 a kang tiah Thilphur motor mawngtu hna sin in theih asi. ”Kahdohnak a chuak i hriamngan zong an hman hna.Lam ah thilphur motor 2 a kang.Zei bantuk motor a si kan thei rih lo.A tu kan za te in kan i tap.
Hnu lei ah a kir mi zong an um i thil sining a hngak mi zong an um tiah kan hawi le sin in kan theih”tiin Ke 12 nei motor mawngtu nih a chim. Asia motor lampi hmang in SAC nih thazaang an chap caah March 27 thok in cu ka lam cu chawleh thal nak ca i thilphur rih lo ding in le zul rih lo dingin KNU nih cathanh an chuah.
March 27 သေ့ဘောဘိုး ah SAC le KNLA mipi vengtu ralkap fonh kar ah kahdohnak a chuak i SAC a thi an tam caah Vanlawng hmang in an kah bawmh hna tiah Mizzima thawngzamh nak in kan theih. 21 the chin times
