Press "Enter" to skip to content

Minutes Pakhat Ting 15 In Ai Zuar Timi Kong Ah Mintami “May Panche” Cawlcanghnak Hmanthlak Phozar Piak Lawlaw A Si

Kawlram lemcangthiam minthang asimi “May Panche” cu naite ah amah hawikom thing a simi mintami “Baby maung” ruang ah online chung ah fakngai in a mualpho i mipi ceihphai zong a tong ngaingai.Asinain hithil hi thildik lo a si caah mipi nih a hnu ah an theihthan i amah mualpho nak dingin ai zuam tu a hawinu ‘baby Maung’ tu cu mipi nih faklak in an thuat ve than .

Mintami ‘May Panche’ hi mi pumrua tha le taksa dawh ngaingai a ngeitu a si i ,amah a dawtu le thazang petu zong fan tampi a ngeitu a si.Hringtu a nu nih naite ah khan covid in a thihtak ve i ngeihchia ngai in a can a hman lio a si . Atu dirhmun ah cun kawlram buainak ruang ah video (film) i thlak awk tha rih lo i amah le sikhawhtawk tein amah rian a simi celebrity lei ahpehtlai in a rian a tuan peng ve .

Hmanthlak le cawngia i zeih lei deuh in acan a hmang i,naite ah minutes tluk te lawng a saumi cawngia video aa zeih i laksawng ah ting 15 an pek.Cukong ah cun a hawikom thing a simi mintami ve thiam ‘Baby Maung’nih a hnahchuah i minutes 1 chung te cawngia i zeih i phaisa ting 15 ngah cu a si kho lo,amah hi director pa nih a duhpoah in nupi ah ai tuah caah a si tiah fakngai in online ah a thangchiat .

Hikong he pehtlai in ‘May Panche’ zong nih thil diklo cung ah cun thihngamh bak in a cawlcang ve i a leh ve . “Video hi a tawi ah a sau ah kan video a chuakmi lawng zoh in biachim hi a dik lo . Minutes 1 te lawng a saumi video cawngia a si nain , zing sml 6 in zaanlei sml 6 tiang pei harsa tuk in kan practive ve cu ,phaisa ting 15 ruang ah keimah minchiat a duhmi ka hawikom thing Baby Maung hi khuaruahhar minung a si ko ” tiah online bak ah a leh ve .

Culawng siloin May Pache’nih cun cawngia video an i laklio hmanthlak siseh,video tete siseh tampi sin ah a langhter i “rak zoh ko u hih ,thil diklo le thil thianghlim lo cu ka tuah maw?rak zoh uh , kan cawlcangh nak hmanthlak vialte hi rak zoh u. Cun a video hrim in rak zoh u.Keimah thangchiat a duhtuk ruang ah Baby Maung nih hin a kan thangchiat hramhram mi a si ko ” tiah ngeih chia ngai in cawngia an i thlak lio hmanthlak tete cu a fan pawl hmuhawk ah a phozar .

May Panche caah cun a fak ngai ko.A palh lo nak le a thianhlim nak cu zeiti langhter awk le a tha ve lo i cawngia video an i thlak lio cawlcanghnak hmanthlak tete tu vansan tuk le lungfah tuk ah a lamnghter mi a si tiah amah thazang petu a fan pawl nih an tuarpi tuk ve .

Be First to Comment

Leave a Reply

Your email address will not be published. Required fields are marked *