Mipi Faknak A Petu Ralhrang Tam Taktak Hna Cu PDF-Kalay Nih An Phomh Taktak Cang Hna
Mipi Cungah Hremnak A Tuahtu Ralhrang 60 Tluk Cu Kalay PDF Nih Bomb An Puah Caah Ralhrang 20 Leng An Thi! Febuary 6 zanlei sang sml 3:30 caan ah Kalay Techonology Sianghleirun lei in Kalaymyo leiah a kalmi SAC ralhrang ralkap rual cu Yin Ka Lin khua le Chin Saing khua karlak ah
Kalay-PDF nih bomb an puah hnawh caah ke in a kalmi ralhrang (60) chungin 15 tluk cu bomb nih a khenh hna pinah bomb puah nakin hliam tuartu hna laakah Kalaymyo ralkap sizung ah an phak hnuah ralhrang (5) an thi chap tiah theih a si. Credit; The Federal Times
Rakhine ramkulh, Muang Taw(မောင်တော) peng ah February 4 in February 6 tiang kahdohnak a chuahnak a ruang cu AA ram chung ah ralhrang pawl an rak luh ruangah a si, tiah AA chimphuan tuanvongeitu Khine Thu Kha( ခိုင်သုခ) nih a chim. Nizan February 6 ahzong ah ralhrang an rak ra i kahdohnak a chuak.
Ralhrang phu hna nih AA nih a uk mi hmun Latpan tlangthluan ah lut ding in an i timtuah, tiah Khine Thu Khah nih a chim. “February 6 zanlei Sml 3:00 hrawng in 6:15 tiang kahdohnak a chuak. Kahdohnak a chuahnak hmun cu Muangtaw ( ေမာင်ေတာ ) peng, Mi Than (မီးတန်း) khua, Latpan (လက်ပံ) tlangthluan ah ralhrang pawl cu an rak lut i, AA theihpinak loin an luh caah kahdohnak a chuak.
Cu kahdohnak a thi mi le hliam a tuar mi an um theih a si rih lo. Ralhrang lei in a thi mi a um kho,” tiah Khine Thu Kha nih Yangon khit thit ah a chim. Rakhine thawnnglatu hna nih an chim ning ah cun Muangtaw (မောငျတော) sii-inn ah palik 2 ruak le ralkap 7 ruak cu february 6 ni zanlei ah an phan, tiah theih a si. the chin post
