Mipi Hramtlai Le Ralhrang Kahdohnak Ah Ralhrang 13 Le Thi Le Hliamtuar An Si
Yangon ramṭhen le Pago ramṭhen karlak ah a um mi SAC ralkap checkgate pakhat cu PDF nih an kah i SAC ralkap 10 an thi, tiah theih a si. Ramṭhen 2 kar Zuaitun(ဇွဲတွန်) checkgate cu nizaan April 12 zing Sml 11 hrawng ah Khayan PDF le Pago pengṭhen batallion 1 Kawa(ကဝ) PDF i bawm in an kah hna, tiah Pago ramthen PDF in rianngeitu nih a chim.
“Minutes 40 fai kaphnih in kan i kap i Kahdohnak thawng kan hlat cuahmah lio a si. SAC ralkap 10 an thi i 3 hliam fak an tuar ti tiang lawng kan theih rih,” tiah a chim chap. Pago pengṭhen PDF nih nihin April 13 zinglei Sml 2 hrawng ah Ngaunglaypin peng Gyugiakone(ကြိုးကြာကွင်း) le Letpanpuh(လက်ပံပု) kar ah ral a veng mi SAC ralkap motor cu kutcheh bomb in an doh hna i SAC ralkap hliam a tuar mi an um, tiah theih a si. Credit; The Chin Post
Relchap: SAC nih a tawlrel mi Titoih puai hlunhlai ternak ding ah ai tel mi hlasakthiam minthang pawl dohkalhnak campaign tuah ding ah Sanchaung Pima Protest (SC) le Labour Army Group(LA) nih cathanh an chuah. Yangon le Mandalay khuapi hna ah Titoih puai ai telmi Yan Aung, May Than Nuh, AmayMya Aphwayh, Mandalay Myoma Ttewine, le a dang lemcang le hlasakthiam hna cu Mizapi lei dir loin SAC i an hawikom dirhmun ah an dir caah zohchia fihnung tuk mi an si.
Sanchaung Pima Protest (SC) le Labour Army Group (LA) phu hna cu SAC ralkap kut in a nunnak liam mi Khuapau dohthlennak miralṭha pawl, Ramlak ummi PDF pawl, CMD tuahtu pawl, Khuapi chung Guerilla ralkap pawl, Thongchung um mi mipi ralkap pawl le ral ruangah hmundang ah ai dor mi hna he hmunkhat teah ral kan dohṭi lai i, Dohthlennak titoih puai tuin kan hman lai.
Mizapi lei i a dir ngam lo mi hlasakthiam, Lemcang thiam, SAC he ai komhawi mi pohpoh cu dawnkhantu um lo tein kan doh hna lai, tiah Sanchaung Pima Protest (SC) le Labour Army Group (LA) nih cun cathanh an chuah. The Chin Post
