Mipi Hriamtlai Hna Nih Min Aung Hlaing Ralkap Minung 70 Tluk An Kahdoh Hna, Minung 10 Leng An Thi

Sagaing ramṭhen, Minkin ah SAC ralkap le pyosawtee minung thazaang 70 tluk cu Minkin peng mipi vengtu ralkap batallion 2, tat-khuai(တပ်ခွဲ) 1 nih nihin April 25 zing Sml 11 hrawng ah padeta bomb an puah hnawh hna i, ralkap 13 an thih lengah hliam a tuar mi zong an tam, tiah theih a si.

Cu SAC ralkap le pyosawtee hna cu Kalay in a kal motor 3 an va don hna lio ah padeta bomb lung 13 in puah hnawh an si i, hliam a tuar mi hna cu Minkin No. 1 tar cawnghnak riahbuk ah an kalpi hna, tiah Minkin dohthennak tuahtu phu sin in theih a si.

Minkin peng Tan Pauk(သံပေါက်) khua cu SAC ralkap le pyosawtee hna nih April 24 ah an khangh i khua hnarcheu cu a kang cang, tiah theih a si. Meikanghnak ah mithi an um le um lo, inn zeizat a kangh ti cu theih a si rih lo. Credit; The Chin Post

Relchap; Bing le Rithai Sii Aphunphun In Lemsoimi Rallokap Ansi Kolo Mei, NUG le Mipi Ralkapbu (EAOs / CDF / PDF / LDF) nih kan tei tuk cang hna. Raldohnak hmun kip ah tampi thah lengmang an si. Vanlawng in a kah bawmh hna zong ah an thih TAM DEUH thotho. Aa hlei nak aum lo.

Ṭatzinghmuh in a cunglei poah ahohmanh raldohnak hmun ah an kal ngam ti lo. Bohmu le Captain hna kha Ṭatzinghmuh le Biuhahmu reng cu lakhruak in an khinh chung hna. Aungsan Thuriya Captain Thaicawn cu Raldohnak hmun poah Captain an benh I an hruaiter. Sakhan le Ṭatzing / Ṭatma an phan in a bothum an thlawngh ṭhan bangin.

Ṭatzinghmuh in cunglei paoh arum lomi an um tilo. Mipi thilri kan fir mi le kanchut mi vialte zong anmah le Palik bawirual nih an I lak dih. Paucan Dohthlennak ah annih cu an rum chinchin, Raldohnak ah an kal fawn lo caah an I nuam tuk. MAH nih thimhnak atuah I mipi kut ah Anaa apek lai an phang tuk hna.
Ṭatzinghmuh in acunglei poah cu Rampi phaisa, Rampi Sipuazi, Suingun Lungvar khawr, tbk in Sipuazi an ngeih dih caah, an I nuam tuk.

Kan tum vanram ticu Rallokap bawirual nunnak le sining hi asi tiah Rallokap sawh sawh nih kan lungpiang tuk cang. Ram le miphun caah thih ding in chiatserh biakam nak cu kan tuah nain, MAH le Rallokap bawirual hna caah nunnak le thisen pektu kan si tiah kan lung fian hi a tlai tuk cang.

Cucaah Rallokap chung in thlik le zam kan I timh, CDM tuahding kan I timh hi voi 100 areng tilo. Nain tlikzam khawh lo ding an kan tuah I an kan cawng tuk. Kan chungkhar le kan fale tiang in tlaih in thah ding, thongthlak ding ti asi caah, kan mah cu luat ko hmanh usih law, kan nupi le kan fale an him tilo.

Cucaah ngeichiat lungkuai in khua kan sa cang hna. Zeitikah dah PDF / CDF kut in kan thih lai tilawng kan bawh cio ko hna.
I nuam hnaseh tiah Ralram ah nu poahpoah tlaihrhem nak nawl an kan pe. Hmuh mi paoh kahthat nak nawl an kan pe. Mipi innlo cu fir awk le chut awk ah nawl onh mi kan si.

Kah duh mi suingun chawva le hlawnthil vialte kan I lak dih hna. Khuapi le Khuate he meiduahnak nawl cu zalon tein onh kan si. Krifa biakinn tiang duh poah in kan hrawk ko nain an Pathian nih dantatnak aum hlei lo caah duhchung in kan hrawk cang hna. Aa nuam tuk ding ansi ko tiah nan kan ruah nain, mipi lak ah mipi asi ve mi kan si caah, kan I nuam khawh hlei lo.

Cucaah Rum, Zu, Wiskey, Army RUM, Zureu le wine thawthaw cu alak in din cawk loin an kan pek nain, kan I nuam dih khawh hleilo. Ahnu ahcun, ṭhawnnak le hnangam nak sii kan in chunh hna an kan ti I, an kan chunh, kan I nuam ngain hna I, kan sifah le Retheih cu can Tlawmpal kan philh ve taktak ko. I chunh lengmang nih an kan zaa tilo caah, ei mi le zukhmawn mi Bing le rithai sii tiang in an kan pek cang.

Sakhan kan um lio cu Tlawmpal tete in an kan pek, ankan chunh, an kan dinh nain, an kan zaa hlei lo caah, lahkhah phiat ding in mah tein kan I cawk cang. Ralram kal lai poah ah ralṭhatnak sii le laulonak sii an kan chunh tawn. Raltuk lai ah an kan chunh fawn. Ahnu ah cun abawm in an kan pek I mah tein aa chunh na, a din na, a zuk na, ahmawm na, tiah kan si dih hna.

Can Tlawmpal ah ṭinak le lauhnak an tlau dih. Thih kan ṭih tilo. Tuksapur asi ko zong ah, thil ṭhalo le thil chia vialte kan tuah ngam dih cang. Rallokap kan si zong ah minung kan si Bantukin thih kan ṭih ve. Sii ankan pek mi kan dinh ahcun, ṭihnak aum tilo caah, zungzal in I ken in hmang kha kan duh cang.

Kan Ṭatzing le Sakhan ah a um lo ahcun, aleng ah kan I cawk tawn caah phaisa a dih tuk, Cucaah mipi thilri le chawva fir lo le chut lo ahcun kan si khawh ve tilo. CDF / PDF lawng si loin, mipi vialte kha kan ral an si ko tiah an kan Cawnpiak, Nu tlaihhrem ding le mipi thilri chut le fir awk ah le hrawk awk ah an kan Cawnpiak fawn. An tuah ngam sual lai lo tiah rithai sii aphunphun an kan dinh fawn.

Bing le rithai sii a hmang mi cu Ṭatzing le Ṭatma kip kan si cang. Rithai sii a tawng miphuah le dantat sisehlaw, Rallokap ah minung kan um ve ti lailo. Cucaah an hmuh ko nain an i hmuh ter lo, an I theih ter lo. Bing le Rithai sii cu Control (Ṭhingh) khawh tilo tiang in Ṭatzing ah atam cang. Atam tuk ngamsam. A rithai sii le a hmangtu Rallokap he.

Thah cawk lo. Rithai sii cu Ṭatzing hrimhrim ah zuar le pek asi caah fawi tuk in cawk le lak khawh asi zungzal. Raldoh awk ah kan kal zong ah duh zat in I phawr khawh asi. Raldoh mi lawng kan si tilo, hnukham Rallokap zong kan hnu in rithai sii cu an rak tawngh dih ngelcel ve hoi. Cucaah Ralkap Ṭatzing siloin, Bing Ṭatzing le Bing Ṭatma ti ah a dik deuh cang. Rithai sii HQ (Headquarter) tiah min thlen ah a ṭha deuh lai.

Hi tlukin Rallokap chung ah bing le rithai sii a tam nak Aruang hi, Raldoh ngam hnaseh tiah pek ruang ah, an khap ahcun Rallokap in an tlik zam dih lai ti an phang caah, Aho mipi le ann fapa nih Rallokap lut an duh ti lo caah, Rallokap lut ah ting 100 pek an ti zong ah an lut duh lo caah, Thongtla mi an chuak mi hna kha Training le Cawnpiak nak um lemlo in Rallokap an ṭuan ter hna caah,

CDF /PDF cu training ṭhiṭha an ngeih lo tiah Kan in ti ko hna nain, Rallokap tu hi Training le Cawnpiak nak biatak tein a ngeih lomi kan si deuh lehlam. Misual, Lainawng, Mifir Damiah, Nu tlaihrem hmang tbk in sang le veng le Khuapi nih celh lomi, kala pen lo mi, Thongtla rual an sual an ngaihthiam hna I Rallokap an ṭuan ter hna caah Rallokap chung ah hi tluk in (Control khawh lo tiangin) BING phunphun le rithai sii phuntling an tam nak ahi asi.

Mipi le AMAY SUU a ṭanhtu Rallokap bawi pawl cheuhkhat nih a thli tein an kan chimh mi cu, Rallokap hi rawk in kuai hlahseh tiah BING le Rithai sii phunphun in an control mi asi an kan ti. Note: CDM tuah duh ko nain, a ruang tampi ruang ah a hlawhtlin lomi Rallokap pa I an sahlawh pakhat nu (Kamo) nih Australia ka um nak ah Phone call in aka chimh mi bia in lak mi asi. Zumh ko uh. Naa chirh be laaloh! Crd; Zingtincuai Cinzah