Press "Enter" to skip to content

Mipi Hriamtlai Hna Nih Mipi Caah Ruahchannak Tha An Van Pek Hna

Magwe ramṭhen, Gangaw ah dirh mi Yaw mipi vengtu Gangaw PDF nih mipi hna bawmnak thawng in pumpak hriamthil kan chuah khawh cang, tiah April 13 ah theihternak an tuah. Hriamthil cawk le i thiar chukchohnak a har caah mah pumpak hriamthil chuah khawh a si nakhnga kan i zuam cuahmah, tiah Gangaw PDF in rianngeitu pakhat nih DVB ah a chim.

Meithal kan ser chuah khawh cang mi ah shotgun, kuan khat rawn mi meithal, 40 mm hriamngan le 80 mm an si tiah a chim. Hi nak hin a tlamtling mi meithal kan ser chuah khawh nakhnga mipi nih mahle si khawh tawk in bawmnak pek rih ding le kanmah lei zong dictatorship kan thlak tiang kan dir peng lai, tiah Gangaw PDF nih an thanh.

Atu hi Gangaw peng khuate ah SAC ralkap nih rallam an sial i mipi inn an khangh pinah khua mi an tlaih hna i, an hrem hna lengah an thah hna. Gangaw peng ah SAC ralkap le Gangaw PDF kahdohnak a chuah caah tualchung mi hna nih Kalay-Gangaw lam cu hman rih lo ding in Gangaw PDF nih nawlnak an tuah. Credit; The Chin Post

April 11 Kahdohnak Kong PDF-Kalay Nih Nihin April 14 Ah Cathanh An Chuah. A luancia April 11 zaan ah Kalay peng thlanglei Sitha khua ah umhmun khuar mi, SAC ralkap pawl cu April 12 zinglei sang ah ralkap thazaang 150 hrawng nih Natmyaing(နတ်မြောင်း) khua leiah rallam an rak sial ṭhan i zing suimilam 10:00 hrawng ah cu khua pawng ah PDF-Kalay,

CNDF, fonhkomh phu pawl he kan i kap i, chun suimilam 12 tiang a zualhma ngai. PDF-Kalay ralkap pakhat a nunnak a liam i, SAC ralkap a thimi le hliamtuar an um kho ko nain thawngfiang kan thei kho rih lo. SAC ralkap pawl cu nihin zingka tiang Natmyaing le Natchaung khua chungah umhmun an khuar i zing suimilam 8:00 hrawng ah Insein khua leiah an kir tiah PDF-Kalay nih cathanh an chuah. TCP

Be First to Comment

Leave a Reply

Your email address will not be published.