Mipi Hriamtlai Le KNLA Ralkap Hna Nih Ralhrang Helicopter An Kah

Laykaykaw hmunhma lei ah helicopter 2 an kah khawh tiah thawg theih a si. 2022 March 10 – Karen National Union (KNU) Battalion-6 hmunhma, Myawaddy peng, Laykaykaw khuathar pawng ah ralhrang helicopter kan kahkhawh tiah raltuknak hmunhma ah a ummi mipi hriamtlai pakhat nih a facebook cahmai ah a taar.

Laykaykaw hmunhma ah ralhrang le Karen National Liberation Army (KNLA) karlak ah kahdohnak faak a chuak ṭhan i (KNLA, PDF) lei nih an kahmi hi a si. “Chun ah helicopter 2 he an raa. Pakhat kan kahmi kuan nih a khen caah a si men lai, minute 1 chung hrawnglawng a zuang. A kir colh.

A dang pakhat zong RPG nih a hneuh rua” tiah raltuknak hmuhma ah a ummi mipi hriamtlai pakhat nih March 9 ah Mizzima thawngzamh ah a chim. “Mahka lei ahhin cun thla thum chung deng kahdohnak a chuak cang. Nifatin ti awk in a cang.

A tu nihnih chung hi cu chunitlak bak kahdoh a si” tiah mipi hriamtlai pakhat nih a chim. A tu an kahmi helicopter hi thilphormi phun a si i machine gun le missile a telmi a si tiah mipi hriamtlai hna nih an ruahdamh.

Ralhrang hna nih 2021 December 14 thokin Laykaykaw khua ah zohfelnak an tuah i Hluttaw palai pakhat telh in minung 13 an rak tlaih hna. A thaizing ah, PDF pawl an kawl hna caah Laykaykaw khua ah an rak lut ṭhan i kahdohnak aa thok hi a si. Ref: Mizzima, The Chinland Post

Thawngdang Relchap; Paucan Dohthlennak Hi Kan Sung Lo Nain Kan TEI LO. Kan I TEI Ve Ve Lo. Kan I Tluk Fawn lo. Camipuai btkin Marks in Tuak ahcun Mipi 45 Marks: Rallokap 55 Marks veve kan hmuh tiah ka tuak. Nang Zeitin na tuak ve hnga? Raldohnak ah Rallokap nih an kan TEI deuh rih tiah ka tuak ko. Mipi Ralkapbu nih Rallokap kan thah mi hi an tam deuh ko nain, Territories Influence timi Hmunhma hip ah Rallokap nih an kan TEI deuh caah 55 Marks ka pek hna. TEI le Sungh hi tuak ning cio aadan cio lai.

Hihi cu KEIMAH pumpak tuak ning asi. Nu tuak mi hna cu na ti maw? Hung tuak ve hmanh ka maw le hna, ka Ṭa le hna, dawttu le dawtmihna. Ground level ah asican mi kong hngatin tuak mi asi. Konglam dang le Ruahning dang in na tuak ve ahcun Comments ah rak kan hrawm te, Please??? Kei cu KAN TEILO, KAN SUNGH FAWN LO. Nangmaw KEI tiah kan I singkhawh Cuahmah lio tiah ka hmuh. NUG le Bawmhchanhtu vialte nih Ngunsawm le Hriamnam he azatawk an kan bawmh khawh hnu lawngah mipi nih kan TEI lai tiah ka hmuh.

CDF Training (Tindan) kan kai lio le kan dih kaa ah, Hriamnam kong ah nan thinphang hlah uh tiah Tindan pektu phu nih an kan ti. NUG nih hriamtling in an pek hna lai. NUG asi khawh lo ahcun, Kanmah nih kan I ṭawlrel piak hna lai an kan ti. Lunglawmh nak he kan khat I Thaizing le kiptuh ah MAH le Ralhrang Rallokap a TEI I a thluk ding phun in kan i ruah bak ko. Kum khat chung kan kal cang nain NUG Bawmhnak cu Phaisa in siseh, Hriamnam in siseh, kan sinah a phan khawh rih lo. Nain, Lungsau ngai in kan hngak rih ko hna. An kan bawmh rihlo caah asi, an kan bawmh te ko lai tiah, kan hngak I kan awrh peng rih ko hna, I pheh thuh lo tein.

Kan hawile CDF hna he Kan ruah tawn mi cu: An bia bangin hriamtling in kan bawmh khawh hna sehlaw, Mipi nih MAH te kan thluk hna hi a sau tuk cang lai kan ti cio tawn. Hriamnam ngeih ve uhsihlaw, Nipidaw, Rangoon le Mandalay zong kan lak diam cang hnga I, NUG nih Kawlram a uk ve cang hnga kan ti tawn. Tutan I Mark pek mi hi Rallokap 10% vs. Mipi 90% in kan si cang hnga. Federal Ram zong kan dirh ve cang hnga. Kan ram dam hram aathawk ve cang hnga tiah, vansang le sivang tuk bia in kan chimhrel cio tawn.

Rangoon telin, Kawlram khualipi tampi ah Paucan Dohthlennak cu athih btkin aum caah Kan Dohthlennak hi a thih cang ti awk in thil aum. Athih cang, Rallokap nih an kan TEI cang ko atitu an tlawmte ve ti lo. Nain Dohthlennak ah Mipi kan sung maw tiah kan sungh lo. Kan TEI maw tiah Kan TEI ngaingai fawn lo. Khualipi pakhat hnu pakhat kan lak I kan ukkhawh maw, kan hip khawh maw tiah, kan lak khawh mi aum lo I, kan hip khawh fawn lo. Chirhchan le reference he ka tuak mi asi. Hramhram in lungdongh ruangah le NUG soisel ruangah tuak mi asi lo. Tang lei hi zoh hnik tua uhsi???

RALDOHNAK AH: Kap hnih in athih mi kan tampi. Rallokap nih an ukpen khawh lomi le an hip khawh lomi aum btkin, NUG nih ukpen in hip khawh lomi a tampi ve. EOA hna biatak tein cawlhcang hram an thawk I, hmunhma tampi an lak khawh cang, an hip khawh cang kan ti lai. Rallokap le Police CDMers an tam chinchin I, PDF / CDF ah alut mi a tam pi cang. PDF / CDF ah lut aduh ko nain a chuak khawh rihlo mi zong, an tampi rih. Cucaah Raldohnak ah Mark kan hmuh mi cu Rallokap: Mipi = 70 : 30 kan si tiah ka tuak ko. Na ei kho maw? Na dolh khawh maw? Na chak dah?

Ramkhel Kong ah (Politics): Rallokap cu an minung tampi nih an zumh ti hna lo. NUG zong aa duh ve rih. Chambaunak an tampi liangluang ve. Rallokap lei ah mipi an um hi 20% asi lai. NUG lei ah Mipi kan um hi 60% asi ve lai. Laklawh Polticians hna dirh hmun hi 10% in kan tuak ve lai. Khoika hmanh aum lomi zong an um rih fawn lai. 10% in tuka ko usih. Ramkhel kong ah kan dirhhmun cu: Rallokap: NUG = 20:80 asi.
Ngunsawm Kong ah: Kawlram Ngunsawm aa herh khawh lem tilo. Anuar ngaingai. Rallokap nih Ramdang ah an ngeih mi khap ngawt dih asi caah ril ko in an I tengh ve bak ko. Rampi nih reserve ah ngeihmi Phaisa vialte Rallokap nih an den pet cang. NUG nih Sachuk tampi an zuar khawh, Hi hnu tampi an zuar khawh rih lai. NUG caah phaisa tampi lutnak Innka cu kau pi in le tampi in aa hun ve lio asi. Zatuak in tuak ah cun: Rallokap: NUG = 50 % : 50 % asi veve kan ti lai.

Ramdang he Pehtlaih Ning: International Legitimacy Sector: NUG nih Rallokap cozah cu a TEI tuk palia. SAC hnu lei ah a dirh mi ram hi an um lo tluk asi cang. Nain Ramkip ah an Embassy cu ṭha tein aa merh rih, Nihin tiang an hun ko rih. Khar ngaingai Aumlo. NUG embassy a um nak ram hi a tlawm tuk palia. France le NUG pehtlaihnak cu lung a hmui ngaingai. ASEAN ah MAH hmai a nawr khawh tilo. Lam tanṭim ah a dirh bak ve. American – ASEAN pehtlaih nak nih NUG caah ṭhatnak tampi aa siam rih lai tiah zumh asi. Zatuak in le mark incun: Rallokap: NUG=10:90 asi.

Hi konglam vialte zohchih in Atlangpi in tuak tikah, Rallokap nih 55 Marks, Paucan Dohthlennak nih 45 Maraks asi. Zeitin kan zoh I kan tuak hmanh ah mipi kan sung hrimhrim rihlo tinak asi. Mipi, Paucan Dohthlennak le NUG cu Ramdang nih an kan bawmh duh lo zong ah, Ramdang um mi Chinmi / Kawlram mi nih, bawmh rih ko usih, Ram chung ummi zong nih kan ngeihchia vialte zuar in bawmh rih ko usih, Ram chung um mi mi rum zong nih tampi in bawmh ko hna usih. An kan bawmh duh lomi, Ramchung mirum hna cu an ngeih mi vialte chut dih si ve cangseh, an nunnak tu cu zuah ve ko usih. Bawmh cia mi phaisa fir ti hlah usih. Vaivuan fawn hlah usih. Ningcang loin hmang ti hlah usih.

NUG minung le Kusale nih corruption, exploitation, fraud tbk vialte kal tak cang usih. CDF / PDF / EAO a funtom khawh tu si I zuam cang hna usih. Credit le popular kaltak deuh cang hna usih. Cuti asilo ahcun, Ram thawngṭha pakhat khat tal nih Hriamnam kan bawmh sehtiah I zuam ṭhan rih ko usih. Kannih vialte nih thluk kan duh mi hi Tlakrawk hauhruang le innlo asi lo. Phal kung hauhruang te khi asi cang ko. Thazang ṭhawn taktak in, Pumkhat lungkhat thinkhat in, voivoi khat in kan namh khawh ahcun a tluk colh ding asi ko. Kan namh tik bel ah nunnak telin namh a herh ve hnga. Azidawpung Aung Yah Me, Ma cia khin hmaa?? Arau ti lailo, kan TEI deng cang. Lungsau tein hngak rih ko usih tiah kan sawm hna. Credit; Zingtincuai Cinzah