Press "Enter" to skip to content

mipi Hriamtlai Le Ralhrang An i Kap Cuahmah Ralkap an kua pawl a dih caah Hriamthil a chan tu palek le SAC ralkap hna cu Mipi hriamtlai nih an kah hna i tam tuk an thi

Myaung peng ah hriamthil a phurtu palek le SAC ralkap hna cu Myaung Revolution Army(MRA) nih bomb (mine) an puahhnawh hna i 2 an thi tiah theih a si. May 3 ah rallam a sial mi SAC ralkap hna cu Kyaukphokone(ကျောက်ဖူးကုန်း) kua le Ahngunh(အညွှန့်) khua kar ah bomb kan puah hnawh hna tiah Myaung Revolution Army tuanvo ngeitu nih a chim. ” MRA nih sakhan an kan doh lio zong ah an kaltak mi thil pawl kan chek tik ah 2021 ah traning a dih mi palek pawl an si, ralkap zong an i tal nain palek an tam deuh, mi bawmtu tiah an ti hna.

Hriamthil he rallam an sial lio ah bomb kan puah hnawh hna i 2 an thi, 4 fak ngai in hliamhma an tuar i an i neihniam nak siizung ah an kalpi hna tiah an pawng ummi hna sin in kan theih, ” tiah MRA tuanvo ngeitu nih a chim. SAC ralkap hna nih MRA sakhan an lak hnu a thaizing rallam an sial than i zing Sml 10 tluk ah dohthlennak tuah tu phufonh hna he an i kap. Zaanlei ah Kyaukphokone(ကျောက်ဖူးကုန်း) khua ralkap sin ah hriamthil an va chanh hna lio ah bomb puah chap than an si i an hriamthil zong an kal tak tiah theih a si.

Ram mipi nih Ralkap nan kan doh peng ko i, Ralkap lei ah dir loin PDF lei ah nan dir peng ko ahcun, PR System in hruai mi Democracy uknak kan tuah lai timi kan bia kan let lai i North Korea bantuk in Communist uknak phung kan phuang lai tiah SAC Ralhrang bawi Zaw Min Htun nih a chim. “Kawl ralkap nih rampi uknak kan lak hnu in a chuak mi PDF pawl he kahnak ah Kawl ralkap tampi kan thih lengmang mi hi, mipi nih PDF nan dirkamh hna, kan kal umnak le cawlcanghnak vialte PDF sin ah thawng nan thanh lengmang hna a si.

Mipi nih ralkap lei ah dir loin PDF lei tu ah nan dir caah nihin tiang ka ralkap tampi PDF kut in an thi cang. Cu caah ram mipi hna nih Ralkap lei ah dirnak, ralkap ttanhnak nan ngeih lo i PDF lei ah nan dir peng rih ko ahcun PR System a simi Democracy uknak phung kal pi loin, Communist uknak phung tu ralkap nih kan thanh lai, Communist in kan i hruai hna lai” tiah Zaw Min Htun nih a chim hi asi.

Cun a peh rih mi cu “North Korea bantuk Communist uknak in mipi hruai ding hi kan i duh bak hna lo. A si nain atu bantuk in PDF le Mipi nih ralkap cung ah thil nan tuah i mipi nih ralkap nan kan dir pi duh hrim lo ahcun, kan tuar khawhnak le lung nemnnak nih a tlinh ve ti lai lo, cu caah kan thilti khawhnak kan langhter cang lai i a fak ding cu mipi thiamthiam nan si lai ti hi i theih uh” tiah ram mipi hrocer nak a tuah hi asi.

Atu bantuk in Za Me Lung, Zaw Min Htun nih a chim hi cu SAC ralhrang dirhmun a fiang ngai, an thazaang a der ngai ngai i PDF an tei hrimhrim hna lo timi a langhter caah mipi lei kan thathawng sehlaw, teinak kan hmuh deng timi ruahnak he teirial chin le ttanrual chin kan herh nak a lang ngai ko.

Be First to Comment

Leave a Reply

Your email address will not be published.