Press "Enter" to skip to content

Mipi Hriamtlai Le SAC Ralkap Kahdohnak Ah PDF Minung 2 Nunnak A Liam

May 1 ah Sagaing ramṭhen, Kalay thlanglei ah a um mi nichuahlei Si khua ah SAC ralkap le PDF phufonh hna kahdohnak a chuak. Chunnitlak ti awk in SAC ralkap le PDF cu an i kap i Cu kahdohnak ah cun PDF lei minung 2 an nunnak a liam. SAC ralkap nih Nichuahlei Si khua cu an khangh, tiah theih a si. “Nizaan ah Nihuahlei Si khua ah zing Sml 8 in zaan tiang kahdohnak a chuak i,

SAC ralkap lei thazaang an tam ngai. PDF Kalay, CDF-KKG, pah-kah-phah(ပ.က.ဖ) phufonh hna he an i kap. SAC ralkap an tam tuk caah VAKOK (CNDF) nih kan bawmh hna. SAC ralkap hna he cun naih tein kan i kap. SAC ralkap lei nih kut cheh bomb an hman i RKDF in pakhat, pah-kah-phah(ပ.က.ဖ) in pakhat an nunnak liam,” tiah VAKOK(CNDF) hruaitu pakhat (တပ်ရင်းမှူး) nih Yangon Khit Thit media ah a chim.

SAC nih nichuahlei Si khua cu an khangh caah inn tam nawn an kaang, tiah theih a si. April 27 lio zong ah khan nichuahlei Si khua ah hin SAC ralkap le PDF phufonh hna an rak i kap i, zohfelnak an ngeih hnu ah SAC ralkap 7 an ruak in hmuh an si, meithal zuunkhat le hriamthil zeimawzat zong an rak laak fawn. SAC ralkap lei cu a thi le hliamtuar a tam caah thazaang an chap i nichuahlei Si khua ah April 30 le May 1 ah khan rallam an sial i kahdohnak a faak chin lengmang. Credit; The Chin Post

Relchap; Khun Tun Oo Nih AMAY SUU Kong A Ka Ruat Ter Ngai Ngai. ✍✍ Shan Miphun Hruaitu Khun Tun Oo nih 1 May 2022 ah an kan liam tak. 79 asi. Panglong Chan ah Tlangcung mi hruaitu cu Shan Sawbua Satsantun asi. SCOUPH Supreme Council of United Hill People min in an rak dirh. 8888 hnu le NLD / Amay Suu chan ah tlangcung mi hruaitu cu Shan pa Khun Tun Oo asi lala. Panglong cu hlen kan si bangin NLD le AMay Suu zong nih an kan hlen ve.

Amay Suu he hawikom thabik asi mi Khun Tun Oo nih hawikom si hi biatak tein khuatuak cikcek hnu lawng ah kawmh ding an si. Rallokap, USDP le NLD cu tlangcung mi phihkarhnak ah an lung aa rual tuk arak ti hmasat tu asi. Rakhine nih Thakbere cu ahring asi ah, asen asi ah athak thotho timi hi Khun Tun Oo bia an hlan ve mi asi.

✍✍ Mah tein khuakhan Lairel nak, Tlukruannak, Kan covo vialte lak than nak, Federal Democracy ah kan pa bik asimi, Khun Tun Oo asi. A chunmang a tlamtlin hlan ah an kan liam tak. ✍✍ Amay Suu hi kum 77 asi cang i thong in an chuak zong ah dai tein aum ah atha deuh lai tiah ka ti lengmang, NLD ka si ve ko nain. Kum 77 hi an nep te ti lo. An tar ngaingai cang. A cawl zong ah zeipipa le eibaar ah an kan chuakpi ti lailo.

Mino nih Amay Suu rian hi an chawng khawh cang lai ti ka zumh caah ka tha chia lem lo Chin Mino (GZ) nih Dr Lian Hmung Sakhong, Dr Sa Sa, Pu No Than Kap. Pu Zo Zam, le CNF Upa hna an tei tuk mi ka hmuh ah Amay Suu a tar cang i a cawlh khawh lo hmanh ah thinphannak pelte hmanh ka ngeih lem lo. ✍✍ Note: Photo Language tiah Mirang nih an ti. Hmanthlak hi aholh kho an ti. Zeitindah aholh len in na theih ve, hung kan ruah ve ucah. Crd; Joseph R. Thang

Be First to Comment

Leave a Reply

Your email address will not be published.