Press "Enter" to skip to content

Mipi Hriamtlai Nih Min Aung Hlaing Ralkap Tam Taktak An Thah Hna

Sagaing ramṭhen, Myaung (မြောင်) pengchung ah SAC ralkap bomb puah in doh an ton caah SAC ralkap 10 an thi, tiah theih a si. Nizaan March 11, zaan suimilam 9:00 hrawng ah SAC ralkap phu hna cu Myaung (မြောင်) in Mayoekung(မရိုးကုန်းရွာ) hleidonh pawng an phanh ah mizapi vengtu ralkap hna nih bomb an puahhnawh hna hnu ah hriamhme in an kah hna, tiah Myaung People`s Defense Force TGR nih nihin March 12 ah cathanh an chuah.

Cu kahdohnak ah cun TGR mizapi vengtu ralkap Myaung People’s Defense Force TGF, Zamani Revolution Force (MMU), Sagaing ramṭhen battalion 1, Myaung-CDSOM le 11 brother Force-Myaung phufonh hna an i tel, tiah theih a si. Credit: The Chin Post

Sagaing ramṭhen, Tanhse (တန့်ဆည်) peng, Seinsa(စိမ်းစား) khua ah nihin March 12 chun ah khuachung mipi umnak inn cu SAC ralkap nih an khanghpiak hna. Cupinah an duhnak hmun poh meithal in an kah caah tar nu pakhat le kum 10 hrawng ngakchia pakhat an nunnak a liam, tiah khua mi nih an chim.

SAC ralkap nih an duhnak hmun poh an kah caah kum 10 tluk nu pakhat cu a ṭang le a phei ah kuan hliamhma a tuar i a nunnak a liam. Cun, khuachung mipi umnak inn 5 hrawng cu khangh an si i cu innkaang ah cun kum 70 hrawng tar nu pakhat a nunnak a liam, tiah TSO Tanhse (တန့်ဆည်) nih cathanh an chuah.

Motor lampi ah a um mi Seinsa (စိမ်းစား) khua ah kahdohnak a chuah caah SAC ralkap nih khuachung inn hna cu an khangh. Tanhsee (တန့်ဆည်)- YeOo lampi cu mipi nih umkalnak ah hmang rih lo ding in TSO Tanhse (တန့်ဆည်) nih cathanh an chuah.

Tanhse-Yeoo Lampi Ah Mizapi Ralkap Nih SAC Ralkap Motor An Kah Hna: Sagaing ramṭhen, Tanhse (တန့်ဆည်) le YeOo (ရေဦး) kar ah SAC ralkap khalh mi motor cu nihin March 12, zinglei suimilam 11:30 hrawng ah Seinkha(စိမ်းခါး) pawng in mizapi vengtu ralkap nih an bawh hna i an kah hna caah SAC ralkap 3 an thi, SAC ralkap pakhat cu a nung in an tlaih, tiah mizapi vengtu ralkap phufonh sin in theih a si.

Auto meithal 5 le hriamthil cheukhat cu kan lak khawh i, a nung in tlaih mi SAC ralkap pakhat cu zeibantuk reng a si fiang in theih a si rih lo, tiah mizapi vengtu ralkap phufonh in ṭuanvongeitu pakhat nih Mayelatt Athan ah a chim.

Dohthlennak ah ral a tu mi mizapi vengtu ralkap hna caah hriamthil chambaunak a tam caah mipi bawmhchanh an herhnak kong le, mizapi nih mah le tuah khawh tawk cio in bawmchan cio ding in an cathanh ah an langhter.

SAC ralkap le mizapi vengtu ralkap kahdohnak ah Tanhse(တန့်ဆည်) Phoenix Defense Force, Tanhse(တန့်ဆည်) battalion 2, tat-mah 7, tat-khuai 3 le Duwan(ဓူဝံ) chaklei mizapi vengtu ralkap phufonh hna nih an doh hna, tiah theih a si. Credit: The Chin Post

Be First to Comment

Leave a Reply

Your email address will not be published.