Mipi Hriamtlai Nih Ralhrang Tam Ngai An Thah Hna i Mipi Hriamtlai Nih Mipi Sinah Bomhnal Zong An Tuah
SAC ralkap le pyusawthi hna nih umhmun an khuarnak Sagaing ramṭhen, Minkin(မင်းကင်း) peng, Tawngdwinchawng(တောင်တွင်းချောင်း) hmunhma Kyaw khua SAC ralkap sakhan cu KLG PDF le hriamtlai dang phufonh hna nih nihin March 28 ah sniper in an pel hna i, an kah hna. Cu kahdohnak ah cun SAC ralkap chungtel 5 an thi, tiah KLG PDF in tuanvongeitu nih a chim.
KLG PDF in ṭuanvongeitu nih cun, “Nihin zinglei suimilam 10:00 in sniper he a thli tein kan kah hna. Pyusawthi le SAC ralkap in minung 5 cu sniper kahnak in an thi,” tiah a chim. Cu kahdohnak ah cun KLG PDF, Shwe Tamin Mohsoe(ရွှေသမင်မုဆိုး)-PDF le TD PDF an i fonh hna, tiah theih a si.
Atu lio hi SAC ralkap le mizapi vengtu ralkap kahdohnak pehtlai in a chuak i, PDF lei cu kuanfang man an chanbau deuh caah, mizapi cu an si khawh tawk bawmhnak pe cio rih ding in KLG PDF in ṭuanvongeitu nih cun a chim chap. A luancia March 26, zinglei ah KLG PDF le mizapi vengtu ralkap phufonh hna nih cuka hmun sakhan cu an kah hna caah SAC ralkap 7 an rak thi, tiah theih a si.
Bhamo Ah Bomb Lung 3 A Puak: Nu 1 A Thi I Palek 5 Le Civil Mi 4 Hliam An Tuar: Kachin ramkulh, Bhamo ah bomb lung 3 a puah ruangah nu pakhat a thi i, palek 5 le civil mi 4 hliam an tuar, tiah Bhamo tualchung thawng zamhnak 21 Youth nih a thanh. Nihin March 28 zing Sml 8 ah a voikhatnak a puak i, Sml 10 ah voi hnihnak, cun, Sml 1:30 ah a voithumnak ti in a puah thawng cu theih a si.
A voikhatnak bomb a puahnak hi Tethe(သံတဲ) riah buak pawng ah a si i aa khawng deng mi an um lo. A voihnihnak bomb an puahnak hmun hi clock tower pawng ah a si i, palek 3 hliam an tuar, tiah theih a si.
A voithum nak hi zing Sml 10:30 ah Setana(စေတနာ) facang dawr le civil hospital staffs pawl umnak inn pawng ah a si i, thilphor motor 1 le cycle 3 an rawk. Nu pakhat cu a hmun ah a thi colh i palek 2 le civil mi 4 hliam an tuar, tiah theih a si. Bomb a puahnak hmun cu SAC ralkap nih an phih i chekhlatnak an tuah colh, tiah theih a si. The Chin Post
