Press "Enter" to skip to content

Mipi Hriamtlai Nih Ralkap Nikhat Te Longah 150 Hrawng an Thah Hna i Mipi Hriamtlai Zong 2 an Thi Ve

Myanmar Ram Pumpi In May Nikhat Chung Ah SAC Ralkap 146 AnThi, Myanmar ram pumpi in dohthlennak tuah hnu May 2, 2022 nikhat chung kahdohnak ah SAC ralkap 146 an thi i PDF 2 a nunnak liam tiah Yangon Khit Thit nih a thanh. Cazin ning ah SAC ralkap a thi mi hi Sagaing ramthen Kalay ah 10, Myaung ah 40.

Buhtalin le Depaeyin kar ah 40, Thicheih ah 20, Depaeyin palik sakhan ah 3, Buhtalin ah 5, Chin ramkulh Mindat ah 5, Magway ramthen Pauk peng ah 3, Salin peng ah 6, Pauk-Pakokku check gate ah 3, Thilin ah 1, Mandalay ramthen Minchain ah 4, Shan ramkulh Pinlaung. Ling Li(လိန်းလီ) hlei ah 6, an dih lak 146 an si. Kalay ah PDF 2 an nunnak liam.

May 2 zinglei sml 4:00am thok in thazang 100 hrawng a simi SAC ralkap pawl kahding in Myaung PDF phufonh 25 leng timhtuahnak kan ngei tiah a chim. “Timhtuahnak kan ngeih dih hnu in kan bawmh hna i kan kah hna caah SAC ralkap a thimi an tam. Asinain, SAC ralkap pawl an kir cicek tiang kah kan i tim ko nain khuachung a si caah mipi ca ruahpiak a hau. Cucaah, teinak he kan kirtak hna” tiah rianngeitu nih a chim.

Kahdohnak chungah mipi hriamtlai 2 an cel le an mit ah zen nih a puah hnawh hna nain kan thlop colh khawh hna caah an dam deuh cang tiah a chim. Cun, mipi hriamtlai phu pawl kahdohnak in an kirlei ah khuami hna nih aungthapay pangpar, thlumhang le eidin phuntling in an rak don hna tiah theih a si.

Kahdohnak hmunhma a pawngkam ah SAC ralkap pawl hnu an kir hnu in hmunhma zohfelnak tuah a si lioah bom, kuan le kuthlonh bom pawl le raltuknak lei thilrii pawl kan chuh khawh hna tiah Myaung hmunhma thawngzamh nih an langhter. Myaung peng kahdohnak ah SAC nih palik tampi a hman hna tiah Civilian’s Defense & Security Organization of Myaung (CDSOM) nih a thanh.

Assistance Association for Political Prisoners (AAPP) nih May 2 tiang thawng a thanh mi ah SAC nih uknak a lak hnu ni 456 chung ah SAC ralkap nih an thah mi civil mi 1803 an si cang tiah theih a si. Tlaih a tong mi 13526 tiang an si cang i Tlaih ding in nawl chuah mi 1977 an si. SAC ralkap nih an thah mi hna hi Yangon ah a tam bik an si.

Be First to Comment

Leave a Reply

Your email address will not be published.