Mipi Hriamtlai Phu 8 Fonh Nih Pyusawthi 80 Umak Camp An Kah, Minung 8 An Thi

Sagaing ramtthen , Pale peng Inmahti (အင်းမထီး) khua ah songbox he hlachuah in a laammi pyusawthi umnak camp cu PRA le PDF telhin phu 8 fonh nih kan kah hna caah pyusawthi 8 an thi tiah Bu Japan nih a chim. Nizaan April 13, titoih puai nikhatnak ni zaanlei suimilam 3:00 hrawng pyusawthi camp ah a laammi SAC ralkap le pyusawthi minung thazaang 80 tluk cu kan kah hna i 8 an thi tiah People Revolution Army (PRA) hruaitu Bu Japan nih a chim.

“Inmathi (အင်မထီး) ah songbox he hla i chuaha laammi SAC ralkap le pyusawthi phu minung 80 tluk an si, pyusawthi phu training an peknak hna hmun ah a si, an laam lio ah a thli in kan kah hna, nihin zinglei kan theihning ah cun SAC ralkap le pyusawthi minung 8 an thi tiah kan theih” tiin a chim.

People Revolution Army (PRA), Pale PDF , PPDG, MVRF, Myaing Youths Revolution, Guerrilla Ranger le tualchung hriamtlai phu hna nih Kan kah hna caah kaphnihkar kahdohnak a chuak tiah theih a si. Credit; The Chin Post

Relchap; Khuachung ah ngunkhuai a khawl i, mipi a tlerhkhawnh lengmangtu Taningtharyi peng, Ngaungpingone(ညောင်ပင်ကွင်း) khua ah um mi pyosawṭee hruaitu pakhat cu April 11 zaan Sml 7 hrawng ah min theih lo mi phu pakhat nih an kah i, a thi tiah tualchung mi nih an chim.

Thah a tong mi pa hi U The U The U (ဉီးဌေးဉီး) a si i, pyosawtee hruaitu a si, tiah tualchung mi pakhat nih a chim. U The U thah a ton hnu ah SAC ralkap cheukhat an ra i lampi ah aa choklet mi an chek hna. U The U a thattu hi a ho an si, theih a si rih lo. U The U hi pyituhsit (ပြည်သူ့စစ်) a luhnak kum 20 fai a si cang i, khua ah ngunkhuai khawl in, khua mi a tlerhkhawnh lengmangtu a si, tiah tualchung mi nih an chim.

Karenni ramkulh, Demoso peng nitlak lei ah um mi Ookhuri(အိုးခူးရီး) khua ah SAC ralkap le Karenni ralkap phufonh hna cu nihin April 13 zing Sml 7 ah an i kap i, chunnitlak an i kap, tiah theih a si. Kahdohnak ah Karenni ralkap 3 an nunnak a liam i, SAC ralkap 20 hrawng an thi kho, tiah rallam hmai ah a um mi pakhat sin in theih a si.

“Nihin zing Sml 7 in zaanlei Sml 4 tiang chunnitlak kan i kap i, SAC ralkap 15 in 20 tluk an thi lai, tiah kan ruah. Kanmah KNDF le KA lei in minung 3 an nunnak liam. Naih tein kan i kap i, innkhat lawng nih a kan dan,” tiah ral hmun ah um mi KNDF ralkap pakhat nih Yangon Khit Thit media ah a chim.

SAC ralkap nih thazaang tampi in Ookhuru, Naungoalay(နောင်ပုလဲ), Subawte(ဆိုဘောသဲ) khua le motor lam thluan ah rallam an sialnak hi ni 5 chung a si cang i, KA, KNDF le ṭangrual phu PDF nih an doh pah lengmang hna. Nizaan April 12 zong ah khan Ookhuri khua ah fak ngai in kahdohnak a chuak i, SAC ralkap 30 leng an thi kho, tiah Kerenni ralkap pakhat nih a chim. TCP