Press "Enter" to skip to content

Mipi Hriamtlai Phu Hna Nih Ralhrang Thazaang 100 Tluk An Phomh Taktak Cang

Kachin ramkulh, Potao peng, Suanpian khuapawng Sinkat tlang cu ralhrang nih vanlawng in biatak tein a kah tiah tualchungmi hna nih an chim. Nihin Febuary 22 zing sml 10:00 hrawng thok in ralkap thazang 100 tluk in rallam sial mi ralhrang pawl cu KIA le PDF nih an kah hna i faak ngai in kaphnih kahdohnak a chuah hnu ah ralhrang nih Jet Fighter pahnih in biatak tein bomb an van thlak, tiah theih asi.

“Ralhrang nih an tei ti hna lo caah, Vanlawng pahnih in an van kah hna, tiah theih a si. Kahdohnak pawngkam khua simi Inzian khua cu an dihlak tein an zaam. Cun, Lungsian khua le Tankya khua karlak ah ummi Inzu -Khachaung pawng zong ah kahdohnak a chuak ve i hriamngan puah thawng zong ai thei,

KIA nih hriamngan in voi 10 hrawng an kah hna hnu ah meithal puah thawng pehtlai in ai thei,” tiah Lungsian khua mi pakhat nih a chim. Hika hmun hrawng hi kahdohnak a fah tuk caah tualchungmi hna cu ramtang deuh ah khuasak in an i thup hna, tiah theih a si. Credit; The Chin Post

Ukraine ramchung ah Russia nih a dirkamh mi hriamtlai umnak hmunhnih- Luhanks le Donetsk hmunhma hna cu Independent an si cang, tiah Russia President Putin nih minsen a thut. Cucaah cu hmunhnih chung ah remdaihnak a len peng khawh nakhnga Russia ralkap nih ṭuanvo a laak lai, tiah Putin nihcun a chim.

Luhanks le Donetsk hmun hna cu Ukraine ram chung in Independent an si cang i cucu kan cohlan pi hna i, kan hngalhpi hna, tiah Putin nihcun TV in thawng a thanh i, hi hmun pahnih hna cu a hlan lio tein Russia ramchung ummi an rak si, tiah a chim chih. Ukraine hi cu nitlaklei ram ṭhawngṭha hna nih duh poh in an thuivawrmi cozah pakhat menmen a si, tiah a chim pah in, “Hi hmun pahnih (Luhanks le Donetsk) chung in Ukraine cu na’ cawlcanghnak na dihter lai.

Na cawlcanghnak na dihter lo ahcun thisen luannak le thildang nih a zulhdawi mi vialte nangmah nih ṭuanvo na lak lai,’”tiah hrocernak bia zong a chim chih. Putin nih biakhiahnak a tuah mi a thanh tlawmpal ah American cozah nih lehnak tlawmpal a tuah colh i, Luhanks le Donetsk ah a cawlcangmi hna cung ah dantatnak order kan chuah colh lai, tiah White House nih a thanh.

European Union(EU) le UN Secretary General Antonio Guterres nihcun, “Putin cawlcangh ning hi International upadi( Zulhphung) zei a rel lo a si pin ah Ukraine ramchung hmunhma uknak a buar mi hi UN zulhphung he zong ai kalh,” tiah a chim. “Putin tuahsernak nih buaibainak vialte daihnak lam in sersiam ding kan i timhmi a rawk dih cang,” tiah NATO Defense Minister Jens Stoltenberg nih a chim ve.

Be First to Comment

Leave a Reply

Your email address will not be published.