Mipi Hriamtlai Ralkap Le SAC Ralkap Kahdohnak Thawngpang

Sagaing ramṭhen, Homalin le Phawngpin peng aa pehnak ah April 8 le 10 ah SAC ralkap le pyituhsit pawl cu Homapin PDF (HPDF) nih bomb an puah hnah hna i SAC ralkap 5 an thi, tiah HPDF nih an thanh. Nihin April 11 zing ah Taungkungthar (တောင်ကုန်းသာ) pawng ah rallam a sialtu SAC ralkap hna cu Homalin PDF nih bomb puah ṭhan an timh hna nain nikhua a chiat deuh ruang ah kutser meithal lawng in an kah hna.

Kahdohnak ah hin SAC ralkap lei nih hriamngan in an kah ve hna nain Humalin PDF pawl cu hliamtuar um lo tein hnu an tolh kho ṭhan, tiah theih a si. Magway ramṭhen Natmoh(နတ်မောက်) peng ah a um mi PDF sakhan pakhat cu SAC ralkap 40 fai nih an lak i king cawng mi PDF pakhat a nunnak liam lengah pakhat hliam a tuar, tiah theih a si. TCP

Magwe ramṭhen, Natmout (နတ်မောက်) pengchung PDF sakhan pakhat cu SAC ralkap thazaang 40 hrawng nih lak ding in timhtuahnak an ngeih lio ah, cu SAC ralkap tu hna cu a thli tein kahdoh an tong i SAC ralkap pakhat a thi, midang pakhat nih hliam a tuar, tiah PDF in Bu Ngakhu nih a chim. “SAC ralkap 2 kah an tong i, pakhat a thi; pakhat nih hliamhma a tuar.

Cu lio ah an hmailei a phan cang mi SAC ralkap hna cu an rak kir ṭhan nain, mizapi vengtu ralkap lei cu an him dih,” tiah PDF chungtel Bu Ngakhu nih cun a chim. Bu Ngakhu nih cun SAC ralkap pawl nih kahdohnak a chuahnak hmun pawng hrawng cu an duah i, PDF lei cu hliamtuar an um lo nain kutser meithal 5 le Motor Cycle 4 an sungh kong a chim.

“PDF lei nih a hlankan in thawngpang kan theih cia lo caah hriamthil sungh kan tonnak hi a si. Hmailei ahcun thilri hriamthil sungh kan ton nakhnga lo mizapi nih thawngpek zong in hung kan bawm cio uh,” tiah a chim chap. Credit; The Chin Post