Mipi Humhimtu Ralkap Nih Ralhrang Sakhan An Kah, Thimi An Tam Taktak Khi Si
Shan-Kayinni aa pehnak Phekhung(ဖယ်ခုံ) peng, Kungsung(ကုန်းဆုံ) khuapawng ralhrang phu sakhan pakhat cu Phekhung-PDF nih an doh hna. Hi kahdohnak ah hin ralhrang phu lei minung 10 nak tlawm lo an thi, tiah Phekhung-PDF nih cathanh an chuah.
Kaphnih kar kahdohnak cu faak ngai in a chuak i zinglei suimilam 6:20 in 9:10 tiang kahdohnak a chuak. Phekhung-PDF lei in minung 2 nih hliamhma an tuar i, zinglei suimilam 8:50 ah ralhrang phu hna nih van lei in Jet vanlawng he an kahdoh hna, tiah theih a si.
“Phekhung khualuhnak ah zing in kahdohnak a chuak cang, kahdohnak cu a faak taktak, Phekhung battalion nih cu hlan ah cun 60mm hrawng an hman tawn nain atu ah cun 106mm he pehzulh in an kah hna,” tiah khuachung thawngzamhnak nih a langhter.
“Nihin zinglei kahdohnak cu a fak taktak, ralhrang phu nih raltuknak vanlawng zong in an kah, internet line zong an thah caah kahdohnak ah a cang mi thil sining fiangfai in kan thei kho rih lo,” tiah KNDF chungtel pakhat nih a chim.
Ralhrang hi Kayinni ramkulh chung ah minung thazaang tampi chap in an phan i Loikaw motor lampi lei ah ralhrang phu hna motor 80 leng cu nizan January 28, zanlei ah an chuak, tiah khua mi nih an chim. Khit Thit Media, The Chin Post
