Mipi Ralkap Hna Nih Palik Sakhan An Kah, Ralhrang Tam Tuk Lawmmam An Thi

Htilin Palek sakhan PDF nih an kah, Palek minung 20 mizapi lei ah an tang. April 18, 2022, Magwe Ramthen, Htilin Peng, Cin Palek sakhan cu 2022 April 17 zinglei sang ahkhan PDF nih an kah tiah theih a si. Cin Palek sakhan kahnak ah PDF lei nih palek a tuan mi hna cu nan dihlak mipi lei ah rak i tel uh tiah an sawm hna i,

palek minung 20 nih cun CDM an tuah nain Palek sakhan lutlai pa nih a duh lo ca ah SAC sin ah a report i PDF nih a tu bantuk in an kahnak hi a si. “Palek sakhan ah minung 20 leeng an um. Palek sawhsawh hi cu kan lemsoi khawh ko hna nain an lutlai pa hi kan lemsoi khawh lo ca ah kan kah hi a si.

Hi kan kahnak ah an lutlai pa cu a thi,” tiah PDF hruaitu nih a chim. An lutlai pa nih SAC sin ah phone in report a pek hna hnu Jet Fighter in PDF cu a kah hna nain hliamtuar le thihloh a tong mi an um lo tiah theih a si. Crd; The Hakha Post

Sagaing ramṭhen, Tamu khuapi, Myomah (12/A) veng Naan Phalung sianginn ah umhmun a khuar mi SAC ralkap hna cu nizan April 17 zan Sml 7:00 ah Tamu mizapi vengtu ralkap Battalion 1 le Battalion 2 i special force hna nih am kah hna i, SAC ralkap 4 an thi. Mizapi vengtu ralkap hna cu a hliamtuar um lo tein hnu an tolh kho, tiah theih a si.

Cu hnu ah Tamu khuapi lei in mizaw phorhnak mawṭaw in SAC ralkap hna cu an rak phan i SAC ralkap a thi mi ruak hna cu an rak lak, tiah PDF Tamu Battalion 1 nih cathanh a chuah. Cubantuk in Pale peng, Min Tine Pin khua in a chuak mi Khah – Mah – Yiah 386 in SAC ralkap 120 hrawng cu Kyi Nin Gyi Khua chaklei No 6 Se Buang pawng ah,

Nihin April 18 zing Sml 10:00 ah Pale mizapi vengtu ralkap phufonh: Pale peng Battalion 1, Battalion 2, Myaing Hero Generation, Guerilla Ranger le Local PDF hna i bawm in, a thli tein an kah hna i, SAC ralkap 4 an thi kho, tiah tuqlchung mizapi vengtu ralkap nih an thanh.

Kahdohnak cu Suimilam cheu hrawng a rau i, mizapi vengtu ralkap lei in hliamtuar um lo tein hnu an tolh kho, tiah theih a si. Cubantuk in nizan April 17 zanlei Sml 8:00 hrawng ah Chuang Oo khuapi in a chuak mi SAC ralkap mawṭaw 2 cu Chaung Oo Local Defence Force (CHU-LDF) le Nginuang (မဟာမိတ်နောင်အဖွဲ့) ṭangrual phu hna i bawm in

Chuang Oo khuapi le Nga Yang ( ငါးယှန်) khua karlak ah lamhlat in control mi bomb in an puah hna i, SAC ralkap 8 a hmun ah an thi colh i, 4 hliam fak a tuar mi zong an um, tiah theih a si. Crd; The Chin Post

Relchap; Pyitawthar Kahdohnak Ah SAC Ralhrang Nih An Tlaihmi PDF Pakhat Cu A Kutzung Taan Hratin Mei An Khanghnak Ruak An Hmu! Kalay peng chung Pyitawthar khua ah April 13 ah khan tualchung hriamtlaitu hna le SAC ralhrang ralkap karkah kahdohnak ah khan SAC ralhrang nih an tlaihmi Lalramhngaka kum 24 cu a kutzung hna taan hratin mei an khanghnak a ruak cu April 16 ah an hmuh tiah kan theih.

PDF Kalay Battalion (12) chungtel Lalramhngaka ruak cu Pyitawthar khua pawng Nyikyar lo chungah an hmuh i, a kutzung an taan, a baan zong nam in an tuk, a hmai cu a dum/nak dih i, meikhanghnak he an hmuh tiah kan theih. Ko Lalramhngaka phu nih Setawo leikap a rami SAC ralhrang ralkap hna cu

Pyitawthar khua in nichuahlei ah hmunhma laakin an kah hna hnuah an i zukphiak nain Pyitawthar khua leikap zongah SAC ralhrang ralkap an luh ruangah an i thenthek dih i, cuticun tlaih a tong. Ko Lalramhngaka ruak cu April 17 ah an vui. April 13 kahdohnak ah Kalay PDF leikap ah pali (4) nunnak a liam.

Crd: Zalen