Press "Enter" to skip to content

Mipi Ralkap Hna Nih SAC Ralhrang Hmunhim Um Hna Cu An Kah Dah Hna, Minung Tam Tuk An Thah Hna

Sagaing ramtthen, Tamu khuapi in meng 4 a hlatnak ah a ummi SAC humhimnak laknak hmun cu Tamu PDF Battalion 4 (TSG) le Burmese Student Organizations (BSO)(ABSDF) phu hna nih April 14 ni ah an kah hna tiah theih a si.

Kahdohnak ah cun SAC ralkap 7 an thi tiah theih a si. Kahdohnak chungah SAC ralkap bawmtu an phanh khawh lo nak ding caah Battalion 2 nih lampi cu an bawh piak hna. Mizapi vengtu ralkap lei in kahdohnak a tam chin caah hriamnam a herh chin lengmang mipi lei nih nan kan bawmh a hau ko tiah zaangfah kan nin nawl hna tiah nawlnak zong an tuah chih.

Hriamngan He Rallam A Sial Mi SAC Ralkap Hliam Tuar An Tam. April 14 zaan ah Karen ramkulh Laykekaw khuathar pawng ah hriamngan he rallam a sial mi SAC ralkap hriamngan tam pi an hman nain nihin April 15 zinglei ah a thi le hliam tuar an tam caah hnu an tolh than tiah Cobra phu nih thawng an thanh. Cobra phu nih security an lak hnak hmun tlang cung cu zahan zaan ah SAC ralkap nih lak khawh ding an i zuam i an kah hna ruang kaphnih kar kahdohnak a fak. SAC ralkap nih hriamngan in heh tiah an kah hna tiah theih a si.

Cobra lei nih defense lak in an kah ve hna i nihin (April 15) zing Sml 3:30 ah SAC ralkap cu a thi le hliam tuar an tam caah hnu an tolh i an zaam than. A thi mi le hliam tuar mi zat cu fiang in theih a si rih lo tiah Cobra lei nih an chim. Cu kahdohnak ah SAC ralkap lei nih an zaam takmi kuanfang le kuanbawm cheukhat cu Cobra phu nih an lak tiah theih a si. Credit; The Chin Post

Israel Palik nih cun Jerusalem chaklei i Al Aqsa Mosque, Muslim biaknak a zultu hna le Jews miphun ca ah hmun thianghlim cu an va luhhnawh i, buainak a chuah caah Pelestine mi minung 100 hrawng hliam an tuar, tiah Al Jazeera nih a ṭial. Cuka temple i a um mi pakhat nih cun, “Cawn ninga ni zingka teah minung thong tampi cu thlacamnak ding in Temple ah an ra i, Zingkhua a dei hlan ah Israel palik zong hi a hung phan,” tiah a chim.

Buainak a chuah lio video i a langhning ah Palestine mi hna nih cun lung in palik cu an cheh hna i, palik lei nih mipi ṭhawlnak ah mitthli tlaknak siivai khu le granade in an cheh ve hna. Video clip dang i a langhning ah cun thlacam ding i a lut mi hna cu mitthli tlaknak siivai khu nih a zelh hna lio ah hmunkhat ah an i pumkhawm hna.

Palestine Mibawmchantu hna nih hliamtuar mi tam deuh cu siizung ah chiah an si cang, tiah an chim. Temple buainak i a um ve mi pakhat nih cun Temple security hngaktu pakhat cu a mit ah khaihriat(rubber) kuan in hliam a si, tiah a chim ve. Palestine media hna nih cun, Israel palik nih Palestine mibawmchantu motor (ambulance) cu hna an hnawh hna i, temple chung ah hliam tuar mi zeimawzat lakchuah khawh lo in an taang, tiah an langhter

Hilio ah Israel Palik lei nih cun Muslim le Jews mi hna hmunthianghlim Temple ah hin buainak a tuahtu mipi ṭhawl ding in an kal kong an langhter ve. Israel palik hna chim ning ah cun, Temple nitlaklei vampang i Jews(Judah) mi, thla a cam lio mi hna cu Muslim pawl nih lung in an cheh hna caah Judah mi hna lung in a cheptu cu mitthli tlaknak siivai khu in an ṭhawl hna.

Jerusalem khuapi i a um mi Al Aqsa temple hi Jews miphun le Muslim biaknak a zultu hna nih hmun thianghlim ah an ruah i, an tlaihchan tuk mi biaknak hmun a si caah kum fatin thlacamnak ngei ding a thongthong an kal tawn. Biaknak le nunphung aa khat lo mi miphun pahnih an i ton tawn caah hika hmun ah hin buainak a chuak tawn i, ram pahnih Isreal le Palestine karlak zong ah buainak a chuahter tawn. TCP

Be First to Comment

Leave a Reply

Your email address will not be published.