Press "Enter" to skip to content

Mipi Ralkap Nih Min Aung Hlaing Ralkap Bomb An Puah Hna, Minung 20 Hrawng An Thi, 20 Nih Hliam An Tuar

Sagaing ramṭhen Htichaih(ထီးချိုင့်) khuapi Inywa(အင်းရွာ ) lamtonnak ah SAC ralkap pawl cu, nihin May 2 zinglei ah bomb kan hmanh mi in kan puah hna caah 20 hrawng an thi i, 20 nih hliamhma an tuar, tiah Special.9-HPDF nih cathanh an chuah. Rallam a sialtu SAC ralkap pawl cu Special.9-HPDF, FOX Army-HPDF, Kuṭaungkya(ကိုးတောင်ကျား) le Yemyuai(ရေမြွေ) phu hna nih an puahhnawh hna. An hmanh mi bomb pawng te an kal caah hitluk in an thihnak hi a si, tiah theih a si.

SAC ralkap ruak pawl cu va char ding in Kuhtey(ကိုးထဲ) khua leng a um mi, mithi phorhnak mawṭaw nih a hngah ko, tiah Special.9-HPDF nih an thanh. Magwe ramṭhen, Myinchan(မြင်းခြံ) peng Simihkung(ဆီမီးခုံ) camp ah a um mi Lieutenant le Camp Commander(စခန်းမှူး) telh in palik pawl cu Honda Fit mawṭaw nak mi in an ra i, April 28 ah bomb in kan puah hna caah Lieutenant pakhat le SAC ralkap 4 an thi, tiah 27 Revolution Force nih cathanh an chuah.

Mawṭaw in a kal mi SAC ralkap pawl nih cun Zalatkung(ဇလပ်ကုန်း) khua mizapi thilri vialte an firpiak hna i, an kir lei ah bomb an puahhnawh hna hi a si, tiah an chim. Cu kahdohnak ah cun 27 Revolution Force, Urban Underground Revolution Force (UURF) le Myalat(မြေလတ်) phu hna an i tel, tiah theih a si. Credit; The Chin Post

Phone chung in SAC ralkap nih PDF pawl an ngiar hna caah PDF nih Yemiatni(ရေမျက်နီ) sakhan cu an va kah hna i, SAC ralkap pakhat a thi. Pahnih hliamhma an pu, tiah Htilin (ထီးလင်း) YDF nih cathanh an chuah. Cu camp cu SAC ralkap nih thazaang an chap caah nihin May 2 zinglei 5:00 hrawng ah, kan vah kah hna i sml cheu chung kan i kap. SAC ralkap a thi mi an i chap kho, tiah an cathanh ah cun an langhter chih.

An camp ah ralkap thazaang an chapnak hi zarhkhat hrawng a si cang. Kyaw(ကျော) khua in mawṭaw pahnih cu chun ah an camp lei an kal. Thazaang an chap i a si ko lai. Cun, Kanmah lei in a thi mi le aa hliam mi kan um lo, tiah Htilin YDF pakhat nih a chim. Atu lio hi SAC ralkap Ṭatma(တပ်မ) 11 nih Htilin peng, Htilin khua hnulei tlang hrawn le nichauh lei tlang hrawn in rallam an sial, tiah YDF- Htilin pakhat nih a chim.

A luancia April 17 ah Htilin peng SAC ralkap Kyin(ကျင်း) khua i an camp cu YDF nih an kah caah palik bawi(စခန်းမှူး) a thi i hriam tam ngai an rak lak. Htilin peng ah SAC ralkap nih rallam an sial caah April 25 ah voikhat, April 29 voikhat YDF nih an rak kah hna.

Relchap; Ramkhel lei thongtla tawlreltu phu AAPP le NUG Ministry of Women, Youths and Children Affairs nih a khomhsuat khawh tawk cazin ning ah, SAC ralkap nih nawlngeihnak an laak thok in April thla dih tiang ah kumtling lo ngakchia 250 leng tlaih an tong, tiah theih a si. CDM cawlcanghnak a tuahtu le NLD party chungtel hna lengah ramkhel lei cawlcanghnak a tuahtu hna cu SAC ralkap nih an tlaih khawh hna lo caah, an chungkhar le an fa le hna cu ralphaw ah an tlaih hna.

“Ka fa le ka nupi nih zei sualnak hmanh an tuah lo caah kan thlahpiak hna seh ti ka duh, keimah zong nih zeihmanh ka tuah lo caah zei sualnak ka ngei lo. Atu ah cun ramchung huap in sualnak tuah lo zong ah lunghrinh in an tlaih hna, keimah ka fa lawng siloin tlaihkhih a tong mi ngakchia dihlak caah ka thin a phang, an dihlak in luatnak hmu hram hna seh law ti ka duh,” tiah Ayarwady ramṭhen Ngapuhtaw (ငပုတော) peng NLD palai That Pai Soe nih a chim.

U That Pai Soe cu SAC nih an tlaih khawh lo caah thla 10 tluk lawng si mi ngakchia, a nupi le kum 13 tluk si mi ngakchia telh in minung 6 cu SAC ralkap nih April 23 chunhnu Ngapuhtaw (ငပုတော) peng Kanginchawng(ကညင်ချောင်) khua ah an tlaih hna. April 5 ah Yangon ramṭhen Alung (အလုံ) peng tualleng sianginn ah ngakchia kum 3 tluk si mi Mawng Tank Bung Wai Yan cu

SAC ralkap nih an tlaih, a nu Daw Tirih Wai cu ‘titoih puai tuahnak ah puahkehnak a chuahtertu le ralhrang hna he pehtlaihnak nan tuah’ tiah an puh caah kan tlaih, tiah SAC ralkap nih cathanh an chuah nain ngakchia an tlaihnak kong he pehtlai in cathanh chuah mi a um lo. Daw Tirih Wai kong he pehtlai in SAC ralkap uk duh lo langhternak a tuahtu hna konglam theih duh ah,

ngakchia kum 3 tluk lawng si mi cu an tlaih chih, tiah a chungkhar he naihniam in a um mi pakhat nih a chim. SAC ralkap hna tuahsernak vialte cu ngakchia le nuhrin covo lei phunghram dohkhalh in sualnak a si, tiah NUG Ministry of Women, Youths and Children Affairs Minister Naw Susana Hlah Hlah Soe nih a chim. NUG cozah nih ramchung ngakchia hna ton mi thil sining dihlak cu

UN le ramkip ngakchia lei he aa pehtlai mi phu kip sin ah theihternak kan tuah peng, tiah a chim. Kumtling lo a thla lawng si rih mi ngakchia le sianginn kai ding ngakchia hna SAC ralkap nih an tlaih mi hna hi Myanmar dohthlennak tuanbia ah a rak um bal lo mi a si, tiah u-pa-di lei thiamsang pakhat nih a chim. Crd; TCP

Be First to Comment

Leave a Reply

Your email address will not be published.