Press "Enter" to skip to content

Mipi Tam Tuk Ralhrang Nih An Kah Hna

Magwe ramṭhen, Pauk peng ah SAC ralkap nih April 12 zaanlei sang ah an kah mi hriamngan 60mm kuan nih khen hna ruangah Tasu(တံစူး) khua ralzaam 9 an nunnak a rak liam, tiah tualchung mi hna sin in theih a si.

Hriamngan kahnak in a nunnak liam mi hna cu Daw Tan Saw (ဒေါ်သန်းစော), Daw Tin Moe Hlaing(ဒေါ်တင်မိုးလှိုင်), Daw Hte Wa(ဒေါ်ဌေးဝ), Daw San Khui(ဒေါ်စန်းခွေး), Ma Hka Myo Nwe(မလှမျိုးနွယ်), Ma Hla Myo Cuai(မလှမျိုးကြွယ်), Ma Khin Tan Nu(မခင်သန်းနု), Ma Zin Zin Aung(မဇင်ဇင်အောင်e) le U Myint Po(ညီးမြင့်ပို) an si i, hmunkhat teah a bu in an thi, tiah theih a si.

Cu lengah mipi hna nih ramlak le burbuk lak ah an i thuh mi hrukaih hnipuan, cycle 5, tidawpnak seh le facang pung 400 tuk an khangh piak hna, tiah tualchung mi hna sin in theih a si. Tualchung mi hna nih an i khon chung mi sii-ai, eidin tiirawl hna le minung herh mi hmanrua pawl cu SAC ralkap nih an hrawh dih caah mipi hna cu bawmh an herh ngai, tiah theih a si.

Burmese People’s Liberation Army(BPLA) Dirh Kumkhat Tlin Caan hmannak Tuah A Si: Ramkhel Cawlcanghnak ah ṭangrual ding in dirh mi Burmese People’s Liberation Army(BPLA) kumkhat a tlin lawmhnak ah NUG, AA, TNLA le MNDAA nih BNLA sinah lawmhpinak roca (သဝဏ်လွှာ) an kuat.

BPLA cu mizapi vengtu ralkap PDF he dirṭi in hramhram nawlngeihnak latu SAC ralkap uknak cu dohnak a tuah lai, tiah zumhnak kan ngei tiin NUG Defence Minister U Yee Mon nih lawmhpinak caṭial (သဝဏ်လွှာ) ah a telh chih.

BPLA kumkhat tlin caan hmannak ah cun KNLA in duh-bu-choh-gyi Saw Baw Kyaw Hae zong aa tel i, Rakhine ralkap AA zong an i tel, tiah theih a si. BPLA cu tlangcung hriamtlai phu hna he hmunkhat ah i fonh in SAC ralkap a dohtu Burma hriamtlai phu pakhat a si. Credit; The Chin Post

Relchap; Hmailei ah Russia le China ram hna he i tuk a hauh sual ah tiin US nih Ukraine raltuknak cu i zohchun in a ralkap pawl raldoh cawnnak a tuahter hna.“Tuthla raltuk cawnnak cu ral nih Khuapi pakhat an lak cang mi zeitin dah kan lak khawh ṭhan lai ti mi kan cawng, hmaithla cun ral nih khuapi lak an timh tikah zeitindah kan i runven lai, ti kong kan cawng lai i a hlei in atu lio a cang cuahmah mi Ukraine raltuknak hi i zoh chun in kan cawng lai,” tiah US Secretary of Army in Christine Wormuth nih a chim.

Russia raltuknak ah thilri an i kuat ning, pehtlaihnak ah a hman mi Internet kong zong i zohchun in kan cawng, tiah a chim chap. US Ralkap hna cu California, Kansas le thetse ram hna ah raltuk cawnnak an ngei, tiah VOA nih a ṭial.

Khin U-Shwe Bo Lam Kam Ah SAC Ralkap Bomb Puah Hnawh An Tong: Sagaing ramṭhen, Khin U-Shwe Bo lam kam ah April 14 le 15 ah khan SAC ralkap bomb puah hnawh an tong i, minung 10 fak ngai in hliamhma an tuar, tiah mipi vengtu ralkap hna sin in theih a si. Cu bomb cu Mawkone Nginaung(မော်ကွန်းညီနောင်), Daung Yazar(ဒေါင်းရာဇာ), Nagar Nginaung(နဂါးညီနောင်) phuthum i bawm in an puah mi a si, tiah theih a si.

“April 14 zing Sml 11:30 hrawng ah SAC ralkap hna cu bomb voi 2 kan puah hnawh hna i, SAC rakap 10 hliam fak ngai an tuar, April 15 ah cun motor zong a kaang i, hliam tuar mi kong belte fiang in kan hngal kho rih lo,” tiah mipi vengtu ralkap chungtel pakhat nih a chim. Cu kahdohnak ah cun mipi vengtu ralkap lei hliam tuar um lo tein kan kir kho ṭhan, tiah Yangon Khit Thit ah an chim chap. TCP

Be First to Comment

Leave a Reply

Your email address will not be published.