Mipi Vengtu Ralkap Hna Caah Thawngtha Tuk A Si
Russia nih Ukraine a tuk hnu in Tuluk (China) sin ah Russia nih ralhriam bawmhnak a hal, tiah American cozah rianngei hna nih an chim, tiah US media hna nih cun an phuanzar. Sinain Washington DC i um mi China Embassy nihcun Russia nih bawmh an kan hal lo, tiah an thanh ve.
Rome khuapi i China le US tonnak an ngeih hlan deuh ah Ukraine le Russia kong ah US nih China cu a hrocer, tiah theih a si. US Media pawl nih cun, “Ruassia na bawmh ahcun a faak tuk mi harnak nih an zulhdawi lai,” tiah US nih China cu ralrin a pek, tiah an langhter.
Russia nih Ukraine a tuk hnu in a hawikom ṭha China nih a dirkamhnak a langhter ko nain ralkap le chawhlehnak lei ah bawmhnak a pek thawng cu atu tiang theih ding a um rih lo. Sinain Russia nih China cu ‘khaltu um lo vanlawng pawl le ralhriam thilri pawl rak ka bawm’ tiah a hal, tiah American cozah lutlai pawl chim mi chirhchan in US media hna nih cun an ṭial. Source: VOA, Credit: The Chin Post
34th Revolution Day Caah Sawmnak. A ra lai mi Vaute 20 ( March ) ah Chin Miphun Dothlennak kum 34 camtuak cu CMPAGE le CBN Media I bawm in online in tuah a si lai. Kum 34 tiang dohthlehnak ni ah CNF Chiarman Pu Zing Cung zong nih an kan talpi lai.
Cu lawng si loin Biaknak leiin kan pabik Rev. Dr Hre Kio zong a kan telpi lai pinah ramkhel lei kan pa le hna siseh kanmah Chin mi chung in hlasak minthang kan ngeih mi hna zong nih an kan talpi lai. Hi ni ahhin Fundraising zong kan tuah chih lai. Mah kan hmuh mi vialte cu nunnak pek in dohthlehnak ah a kalpi kan ralkal hna caah kan pek dih hna lai.
Kan ram zalennak kan hmuh khawhnak ding caah nusal tha pasal tha tampi nih nunnak an thap minung tampi nih nunnak an pek cang. Hi lio ah na ti khawh tawk ngeichiah chawva in miphun dohthlehnak caah rak I tel ve ding in kan in sawm hna. A caan cu a tang lei hmanthlak ah tling tein kan van tial. Mi tampi nih an hmuh khawhnak ding caah share zong in thazaang chuah cio ding in kan in sawm hna. Kan i lawm!
#Biakilh: CBN le CMPAGE i bawm in Chin Revolution Day ah Live Concert in Fundraising kan kawl lai tiah an thanhmi kan thlah chinmi a si. The Chinland post
