Press "Enter" to skip to content

Mipi Vengtu Ralkap Hna Nih Ralhrang An Kah Hna I, SAC Ralkap Le Pyusawthi Minung 60 Hrawng Nih An Lehrulh Ve Hna

ChaungOo Ah Pyusawthi Nih Khuachung Inn 60 Hrawng An Khangh! Sagaing ramṭhen, ChaungOo peng chung Shwehle(ရွှေလှေ) khua cu SAC ralkap kuttang um pyusawthi hna nih an khangh i, inn 60 hrawng a kangh caah cuka pawng hrawng khua hna zong hmundang ah an zaam, tiah Shwehle khua mi nih an chim.

Pyusawthi hna hi Gangyikung(ကံကြီးကုန်း) khua ah umhmun an khuar caah Shwehle(ရွှေလှေ) khua lawng siloin Yagyitaw (ယာကြီးတော), Waya(ဝယာ), Yuatit (ရွာသစ်), Shweku (ရွှေကူ) le Sipagan (ဆီပုဂံ) khua 6 in minung 7000 leng cu an zaam hna. “March thla 9 ah khan Gangyikung (ကံကြီးကုန်း) ah Pyusawthi training an tuahnak Phung-ki Sianginn cu PDF nih an kah hna caah pyusawthi nih lehrulhnak an tuah hi a si. Nihin March 17 tiang mizapi cu khua ah an kir ngam rih hna lo,” tiah Shwehle (ရွှေလှေ) khua mi pakhat nih cun a chim.

ChaungOo peng, Gangyikung (ကံကြီးကုန်း) khua pyusawthi hruaitu Phung-ki Ashin Nanda Saw kuttang mi hna nih March 14 ah Shwehle (ရွှေလှေ) khuachung cu luhhnawh in thilri an fir lengah inn 60 hrawng an rak khangh cang. Cu kong he pehtlai in ChaungOo Revolution nih cathanh an chuah i, SAC rakap nih internet line an thah caah thawng kan thanh kho lo, tiah an chim. SAC ralkap nih cun “Shwehle khuachung inn a khaangtu cu PDF an si” ti in cathanh an chuah ve.

SAC ralkap le pyusawthi minung 60 hrawng nih umhmun an khuarnak Gangyikung (ကံကြီးကုန်း) khua pyusawthi sakhan cu March 9 zinglei suimilam 1:00 luan ah mizapi ralkap MGN 35, Myinchain (မြင်းခြံ)ZERO, The Taungta Value of Young Men, MRA (Myaung Revolution Army) phufonh hna nih luhhnawh in an rak kah hna. Credit; The Chin Post

Relchap; Hakha, Thantlang, Mindat le Kanpetlet ah Tanghra Phiding An Um Lo [ဟားခါး၊ ထန်တလန်၊ မင်းတပ်နဲ့ ကန်ပက်လက်မြို့နယ်တွေမှာ တက္ကသိုလ်ဝင်တန်းစာမေးပွဲဖြေ ဆိုဖို့ လျှောက်လွှာ တင်တဲ့သူ တစ်ဦးမှ မရှိ] 2022 March 17 — Ralkap nih March 31-April 9 tiang tuah ding in timhtuahmi Tanghra camipuai (exam) ah Chin ramkulh khualipi Hakha telh in Thantlang, Mindat le Kanpetlet peng ah ahohmanh nih min cazin an pe lo, (exam a tuah) a phi ding an um lo tiah RFA Burmese nih a thanh.

Caan that lio ahcun, 10,000 leng hi Chin ramkulh in tanghra an phit tawn. Asinain, tutan cu 2950 tluk lawng nih min cazin an pek tiah theih a si. Chin ramkulh pengkulh 9 chung ah, dohthlennak a thawnnak hmunhma a simi Hakha, Thantlang, Mindat le Kanpetlet ahcun hohmanh min cazin an pe lo nain, Falam in 309, Tonzang in 229, Cikha in 208, Tedim in 286, Matupi in 107 le Paletwa in 1811 tluk nih min cazin an pek tiah theih a si.

2019-2022 cacawn kum ah, Chin ramkulh ah minung 14000 tluk nih tanghra camipuai (exam) an rak phit i, zatuak 20% tluk lawng nih awnnak an hmuh tiah theih a si. Kum dang ah a exam a tuah mi hi, 900,000 tluk an si tawn. Nain, tukum Ralkap nih tuahmi tanghra camipuai (exam) ah sing 3 (300,000) tluk lawng an phi lai tiah theih a si. The Chinland Post

Be First to Comment

Leave a Reply

Your email address will not be published.