Press "Enter" to skip to content

Mipi Vengtu Ralkap Hna Nih SAC Ralkap 29 Bak An Thah Hoi Hna

Magway ramtthen, Yesagyo peng Yelay tikulh ah SAC ralkap cu tualchung mipi vengtu ralkap nih bomb(mine) an puah hnawh hna i ni 2 chung ah 15 an thi tiah theih a si. SAC ralkap hna cu April 3 zing Sml 6 hrawng ah Minhla sianginn an khangh lio ah drone le energa anti-tank rifle granade lung khat in an kah hna i SAC ralkap 2 an thi tiah PDF nih an thanh.

Cun Zayatni khua in Pohtaw tikulh lei ah a ra mi SAC ralkap cu bomb(mine) an puah hnawh than hna i SAC ralkap 4 an thi i hliam tuar mi an tam. Cu SAC ralkap hnu a tolh mi cu PDF nih hriamngan, shot tite done, 40 mm launcher in an kah hna. Seh tilawng cung kai an i timh ah khin bomb(mine) an puah hnawh chap hna i SAC ralkap lei minung 5 an thi than tiah PDF nih an chim.

April 2 zing Sml 10 tluk zong ah Myitsung khua ah a lut mi SAC ralkap 40 tluk cu an kalnak lam ah bomb(mine) lung 2, shot tite done lung khat in doh an ton i ralbawi pakhat tel in ralkap 4 an thi. Yelay tikulh ah ni 2 chung kahdohnak ah hin Taloh(တလုပ်) PDF le Minchian pengkomh hriamtlai phu, ngenawng mahameih(ညီနောင်မဟာမိတ်) le Local PDF hna an i bawm tiah theih a si. Credit: The Chin Post

Yesakyao (ရေစကြို) peng, Yelaykyun(ရေလယ်ကျွန်း) ah rallam a tialtu SAC ralkap ruun hna cu nizaan April 3, Zayatni(ဇရပ်နီ) khuapawng ah PDF phu 6 fonh nih pa-de-ta bomb in kan puahhnawh hna tiah Myaung Fighter Defense Force in Bu Lat Ya nih a chim. ” Zingkhua in Myitsone(မြစ်စုံ) khuaah umhmun an khuar, Myitsone (မြစ်စုံ) khua in zinglei suimilam 5:00 hrawngah rallam sialin Minhlah khua an phan,

Minhlah khua nitlak lei ah pa-de-ta bomb lung 7 he doh an si, SAC ralkap hna cu minung thazaang 50 tlukhrawng he rallam an sial hi a si. Kan hmuh chungmi hna ah cun minung 3 an thi colh, hliamtuar cu an tam cun minung 2 cu lampi ah an thi tiah thawng kan theih caah SAC ralkap lei a thimi minung 5 an si” tiah Bu Lat Ya nih a chim.

Kahdohnak a dih hnu checkhlatnak ka tuah ah E-na-ga(အီနာဂါ) bomb lung 2, MA kuanbawm 3, kah-pah-sah(ကပစ) 2021 kum sermi 5.56 kuan 52, kuankham angki zuunkhat: taisawmh 2, mu-ca(မိုးကာ) pakhat le raltuknak ah hmanmi thilri danh kan lakkhawh tiah a chim. Zayatni (ဇရပ်နီ) khuapawng kahdohnak ah Myingyan 35 pah-kah-phah phu, The Value of Young Men, Myaung Fighter Defense Force, PDF Taloke, Chaung U Local Defense Force le khuachung mizapi vengtu ralkap phufonh hna nih bomb puahhnawh in an kahdoh hna tiah theih a si. TCP

Myaung pengchung Nihhnih chungh kahdohnak ah SAC ralkap 9 an thi i hliamhma tuar an tam tiah Myanmar Women Warriors phu nih cathanh an chuah. April 2 ah Myaun PDF , Yesakyao PDF hna le SAC ralkap kar kahdohnak a chuak i cu kahdohnak ah cun SAC ralkap 4 an thi. Cun nizaan April 3 ah Myaung peng le Yesakyao peng aa tonnak Minhlah khua le Zayatni khua kar ah bomb kan puahhnawh tthan hna caah SAC ralkap minung 5 an thi i minung 7 nih hliamhma an tuar tiah Myanmar Women Warriors phu nih an langhter.

SAC ralkap bomb puahhnawh in doh an sinak kong ah nu ralkap battalion (Myaung)-M2W nih a herhmi bomb bawmhchanhnak he kan telpi hna tiah an cathanh ah an langhter chih. April 3, 2022 Nikhat Chung Ah SAC Ralkap 74 An Thi. Myanmar ram pumpi in dohthlennak tuah hnu April 3, 2022 nikhat chung kahdohnak ah SAC ralkap 74 an thi. PDF 6 a nunnak a liam i 6 tlaih an tong tiah Yangon Khit Thit nih a thanh.

Cazin ning ah ralkap a thi mi hi Sagaing ramthen Shwe Bo ah 2, Pago ramthen Taungoo ah 14, Magway ramthen Yesagyo ah 7, Mandalay ramthen Matara peng ah 4, Kawlin ah 2, Myaung peng ah 12, Khin U ah 1, Tanhse ah 15, KNU bridage 5 ah 2, Kani 15, an dih lak 74 an si. PDF kei in Khin U ah 3, Yangon ramthen ah 2, Myaing ah 1, andih lak 6 an nunnak liam i Yangon ramthen ah minung 6 tlaih a tong. TCP

Be First to Comment

Leave a Reply

Your email address will not be published.