Press "Enter" to skip to content

Mipi Vengtu Ralkap Le Karenni Ralkap Hna Nih SAC Ralkap An Kah Hna, Kap 2 Thi An Um

Kanrenni( Kaya) ramkulh, Loikaw peng, Linphunglay lamṭhen ah nihin March 9 zing sml 6 ah Karenni ralkap phufonh le SAC ralkap an i kap i kaphnih in a thi mi an um. March 9 zing sml 6:00 ah Linphunglay lamṭhen ah Karenni Army(KA), Karenni National Defense Force (KNDF) le PDF phufonh le SAC ralkap an i kap i SAC ralkap a thi mi an tam i Karenni ralkap phu in pakhat a nunnak liam, tiah theih a si.

Karreni ralkap phu in a nunnak liam mi hi Karenni Generation Z(KGZ) hruaitu a simi Zaw Lin Htun@Sawye a si, tiah theih a si. Zaw Lin Htun @Sawye hi siangcachim (Saya) a si i SAC nih uknak an laak hnu in CDM a tuah i meithal tiang ai tlaih hnu ah atu bantuk in ram le miphun caah a nunnak a pek hi a si. Credit: The Chin Post

Human Rights laksawng pakhat ‘Franco- German Prize for Human Rights’ cu Daw May San Pay Phyu nih a co caah kan lawmhpi, tiah Franch le Germany Embassy nih nihin March 9 ah an thanh. “Ramchung ramleng in Myanmar ram a bawmchantu tampi hna lak in zohchunh tlak Myanmar nu May San Pay Phyu cu ‘Franco-German Prize for Human Rights’ laksawng, France le Germany Embassy hna nih lunglawm tein kan in pek,” tiah an cathanh ah an ṭial.

Nu tlukruannak thazaang petu phu 120 leng i an i funtomnak phu simi ‘Gender Equality Network’ founder, May San Pay Phyu cu Myanmar nu hna le Tlangcung hrinfa hna le Biaknak le Miphun ah mitlawm deuh hna caah tlukruannak a um khawh nakhnga caan saupi rianṭuantu a si, tiah Franch Embassy nih a langhter. 2021 ah SAC ralkap nih uknak an laak hnu in May San Pay Phyu cu nu le pa tlukruannak ṭhanchohnnak ding le Nu hna covo kilvennak phu dang tampi he rian a ṭuanṭi mi a si. The Chin Post

Mon ramkulh, Kyaukthu ( ကျိုက်ထို) peng, Inn Ka Bu(အင်္ဂဘို) khua pawng, Yangon-Mawlamyiang(မော်လမြိုင်) mawṭaw lampi ah Hijet mawṭaw in ralvenn ah aa chok mi SAC ralkap phu hna cu nihin March 9 zing Sml 10:35 hrawng ah KNLA a phufonh nih an kah hna i, SAC ralkap 5 hliam an tuar, hliam a tuar mi chung in 2 cu an hliamhma a faak ngai, tiah theih a si.

“KNLA, PDF, Pah – Kah – Phah(ပကဖ) phufonh hna nih Hijet in ralven ah a chok mi SAC ralkap hna cu an kah hna i minung 5 an khenh hna, hliam a tuar mi 2 cu an hliamhma a faak ngai,” tiah Kyaukthu ( ကျိုက်ထို) mizapi vengtu ralkap phu (KRF) in ṭuanvongeitu pakhat zong nih Yangon Khit Thit ah a chim.

Ralveng in a chok mi SAC ralkap mawṭaw kah a ton hnu in SAC ralkap lei in bawmtu tampi an rak phan i, a pawngkam hrawng cu an duhnak poh an kah. Minute 20 hrawng meithal kah thawng a thang, tiah theih a si. Cu hnu ah zinglei Sml 11:10 hrawng ah Yangon-Mawlamyiang mawṭaw lam ah a tli mi mawṭaw 1 zong kuan nih a khen, tiah theih a si. SAC ralkap hna cu Hijet mawṭaw hmang in,

thilthuam aa hruk mi le aa hruk lo mi he Ting Yazat ( သိမ်ဇရပ်), Moh Palin( မုပ္ပလင်), Inn Ka Bu ( အင်္ဂဘို) pawng hrawng ah ralveng in an i chok hna. Nihin March 9 ah kah a tong mi mawṭaw cu SAC ralkap Hijet mawṭaw a si, tiah Kyaukthu mizapi vengtu ralkap hna sin in theih a si. Credit: The Chin Post

Be First to Comment

Leave a Reply

Your email address will not be published.