Press "Enter" to skip to content

Mipi Vengtu Ralkap Le SAC Uico Ralkap Kar Kahdohnak Ah SAC Minung 12 An Thi Hliam An Tam

Sagaing ramṭhen, Mingin peng, Taungdwin(တောင်တွင်း) region Kyaw khua ah umhmun a khuar mi SAC ralkap hna cu March 26 zing suimilam 6:00 – 9: 30 tiang Taungdwin PDF: TDPDF(MINGIN) le ṭangrual phu hna nih an kah hna i,

SAC ralkap 7 an thih leng ah minung 5 hliam an tuar, tiah theih a si. PDF ṭangrual phu hna cu hliam tuar um lo tein hnu an tolh kho ṭhan, tiah Taungdwin PDF nih an thanh. SAC ralkap nih hin Kyaw khua ah umhmun an khuar i,

pyosawthi pawl training pek an timh hna ruang ah March 23 zong ah khan tualchung hriamtlai phu nih an rak kah bal cang hna. Kahdohnak a chuak khawh ṭhan caah Taungdwin-Kalaywa lam cu hman rih lo ding in Taungdwin PDF nih mipi sin ah theihternak an tuah. The Chin Post

Magwe ramṭhen, Pakokko pengkomh Poah(ပေါက်) peng i pyusawthi tam deuh umnak, kokkosuh khua ah, khua mi cheukhat cung ah nawlngei ngai in a um mi pyusawthi le SAC ralkap hna cu PDF phuthum fonh nih kan kah hna, tiah Pakokku Generation.Z hruaitu pakhat nih a chim.

Kukkosuh(ကုက္ကိုစု) khua phung-ki sianginn hmunhma chung ah umhmun khuar mi SAC ralkap hna nih hin khuachung mi hna cu harnak tampi an pek hna caah kan kah hna, tiah Pakokku Generation.Z hruaitu Bu Tait Ga(ဗိုလ်တိုက်ဂါး) nih a chim.

Pokokku Generation Z hna nih Minutes 15 dan hrawng ah hriamngan voi 2 an kah hnu ah minutes 30 hrawng kahdohnak nih a zulh. Cu kahdohnak ah cun SAC ralkap lei a thi mi minung 5 an um i, PDF phufonh lei cu hliam tuar um lo in hnu an tolh ṭhan, tiah an hruaitupa nih cun a chim.

Kukkosuh (ကုက်ကိုစု) khua, khua hmete ah hin SAC ralkap nih minung thazaang 20 hrawng he thlahnih leng umhmun an khuar cang i, Khuachung um mi pyusawthi hna he i fonh in, khua mi hna thilmansung:- sui le an inn zuat saṭil hna cu an duhduh in an chuh hna, an thahpiak hna lengah khua mi hna cung ah harnak tampi zong an pek hna caah Poah-PDF, Pakokko-PDF le Pakokku Generation.Z hna nih an kah hna, tiah theih a si. TCP

Relchap; KNU Bridage 5 Hmunhma Ah SAC Nih Vanlawng In Bomb An Thlak: SAC nih Vanlawng in March 27 zinglei Sml 2 hrawng ah KNU bridage 5 hmunhma Mutraw pengkomh, Lutaw(လူသော) peng Peke khuakomh(ပေးကေး) Debuhnu(ဒေဘုနို) khua le Htelaykui(ထီးလေးကွီး) khua ah bomb an thlak hna, tiah KNU nih thawng an thanh.

Bomb ruang ah Debuhnu khua High School pawngkam le Htelaykui khua inn cheukhat an rawk, tiah theih a si i, minung aa kawngdeng mi an um le um lo cu KNU nih an thanh lo. SAC nih nikum 2021 March 27 zong ah khan Debuhnu khua chung ah bomb an rak thlak bal cang.
Credit; The Chin Post

Be First to Comment

Leave a Reply

Your email address will not be published.