Press "Enter" to skip to content

Mipi Vengtu Ralkap Nih Min Aung Hlaing Ralkap An Umnak Ah An Kah Hna, Thi An Um

Sagaing ramṭhen, KhinOo (ခင်ဦး) peng Magyitung(မကျီးတုံ) khua ah umhmun a khuarmi ralhrang phu hna sakhan cu KhinOo (ခင်ဦး) pengkomh battalion 3 le KhinOo (ခင်ဦး) People Defense Force (PDF) i fonh in January 25 chunhnu suimilam 2:00 hrawngah luhhnawh in an doh hna. Ralhrang phu le pyusawthi a thi mi an um, nain zeizat an thih cu fehter khawh a si rih lo, tiah KhinOo (ခင်ဦး)PDF sin in theih a si.

KhinOo(ခင်ဦး) peng Awngmingalar sang ah a um mi Ngein Chain(kum-40) cu sangchung ah CDM tuahtu hna le ralhrang uk duhlo cawlcanghnak an tuahtu kong cu ralhrang sin ah thawng a pek tawn caah January 25 KhinOo(ခင်ဦး) Myomah(မြို့မ) dawr ah mizapi vengtu ralkap phu nih an kah. Cuka hmun ah cun a nunnak a liam colh, tiah theih a si.

KhinOo (ခင်ဦး) khuachung lamtonnak hmun ah dawr tuahtu Wai Tin le an nu cu ralhrang phu sin ah khuachung thilcang thawngpeknak an tuah caah January 25 ah mizapi vengtu ralkap nih an kahthah i kah an tonnak hmun ah an thi colh, tiah theih a si.

KhinOo (ခင်ဦး) peng Gyugan(ကြို့ကန်) khua ummi Mya Lin le pyusawthi training a dih mi Ye Naing Oo cu hmunhma zohfelnak tuahtu mizapi ralkap nih an fimhlawm, tiah mizapi vengtu ralkap phu nih an chim.

Mandalay ramṭhen Tapaithgyin (သပိတ်ကျင်း) peng Chawnggyi(ချောင်းကြီး) khua no.1 sang ummi khuachung thilcang ralhrang phu sin thawngpetu Tan Thun cu January 25, zaan suimilam 9:00 hrawng ah Bu Linyung(ဗိုလ်လင်းယုန်) phu nih an kah caah a thi, tiah theih a si. Khit Thit Media, The Chin Post

Be First to Comment

Leave a Reply

Your email address will not be published.