Mipi Vengtu Ralkap Nih Min Aung Hlaing Ralkap Ceilak An Thah Than Hna
Yinmabin Ah SAC Ralhrang Bomb Puah Hnawh An Tong I Ralhrang (14) An Thi! Sagaing ramthen Yinmabin peng Shew Taung U, Aung Yi Ya ralkap umnak le palek battalion 28 cu kahdohnak tuah dingin an rak luh caah mipi vengtu hriamtlaitu hna nih an kah hna tikah ralhrang (14) bak an thi tiah mipi vengtu leikap nih cathanh an chuah.
Febuary 11 zinglei caan ah Mah Umnak Hmunhma Vengtu Phu (အမေမြေတော်လှန်ရေးတပ်ဖွဲ့), ချိုမြိုင်မြိုင် mipi vengtu phu, RFF phu le Pyauh Kyar phu hna i fonhin an kah hi a si. Palek Battalion 28 le Aung Yi Ya ralkap umnak hmun hnih ah kahdohnak tuahtu SAC ralhrang rual cu a vawikhatnak ah bomb an puah hnawh hna tikah ralhrang 10 an thi colh i,
Anmah bawm dingah a rami palek battalion 28 hna cu bomb an puah hnawh than caah palek (4) an thi chap tiah theih a si. SAC ralhrang ralkap hna nih bomb puah hnawh an ton hnuin pawngkam ah a ummi Aung Moe khua chungah lut hratin inn an hrawh pinah cheukhat inn cu mei an khanghpiak tiah thawng theih a si. Ref: Deltanewsagency, the federal times
Relchap; Hakha ah Ralhrang nih an tleih mi hna kan nau le pahnih kong ah fianhternak
………………………………………………..
Hakha: 10 February, 2022 chun suimilam 1:00 PM ( Kawlram caan) ah ralhrang nih lunghring in an tleih mi hna ka nau le pahnih an min: Salai Cyrus Ngun Mang le Mai Myat Mon Tin kongah Media tampi nih a dik lo tuk mi thil ningcang tein khel thlai ta lo tuk in ca nan tial mi kongah keimah pumpak in nan catial mi vialte nan remh or Delete than cio nak lai a hmasa bik ah kan nawl duh hna.
Salai Cyrus Ngun Mang le Mai Myat Mon Tin hna hi tha tein keimah nih ka theih mi hna an si. Ka chungkhat (Ka fale) tluk in ka dawtmi hna an si. Hi hna pahnih kongah Kawl News nih CNF/A an si tiah an tial. Cucu, Lai Media tampi zong nih nan rak copy cio ve tikah kan nau/Fale pahnih caah tihnung ngai a si.
Salai Cyrus Ngun Mang le Mai Myat Mon Tin hna hi CNF/A minung an si hrimhrim lo. Kan khua (Aibur) ah hngakchia ca chim tu veve an si. Ralhrang nih CNF/A uniform he hmanthlak kan hmuh an timi hi an mah lei in cun bia lak nak or ( Case) siamnak teh-te caah an chim ko lai, nain kan nau le pahnih hna hi CNF/A minung an si hrimhrim lo. Cu ruangah Kawlca in an tial mi thawngpang hi a dik lo mi thil a si.
Mipi sin le Websites in catialtu nan zapi te sinah nawl le sawm kan duh mi hna cu; Kan nau le pahnih hi CNF/A or CDF minung an si hrimhrim lo timi hi tuzan thok in rak kan chim pi cio ko uh. CNF/A minung or ralkap an si tiah nan post cio mi ca vialte zong zaangfah tein (Delete) nan kan tuah piak than cio nak lai kan nawl le sawm duh fawn hna.
Salai Cyrus le Mai Myat Mon Tin hna hi khua mi nih kan bochan ngai mi hna an si. Mi fel an si. Ralkhel ah an lung a lut lo. Khua caah a herh ning tein khua mi nu le pa nih rian an fial mi hna le kan bochan mi hna an si. Tutan Kawlram buainak ah lungthin thianh tein an mah um tein kan khua ah tha tein khua asa zungzal mi an si.
Note: Tutan kan nau le pahnih kong ka tialmi hi laica in a si. A rua hlan ah Kawlca le Mirang zong in CNF/A or CDF minung an si lo nak kong tial kho kan i zuam than hna lai. Dawttu lai hritlai ule nau vialte hna tutan ralhrang nih minung an i palh sual i, an tleih mi hna kan nau le pahnih kongah CNF/A or CDF minung an si lo nak kong ka tialmi hi aho cio paoh nih a dik mi a si tiah nan kan dirh pi cio nak lai kan nawl le sawm duh ko hna. By- Bawi Hlei Hu
