Mirang kuttang ah kum (60) lawng kan um nain Kawl kut ah kum (75) kan um cang

Diamond Jubilee Aphan Cangmi Pangplung Biakamnak. Tlangcung mi le Kawlram aa fonh hi Kum 75 atlin cang nain a chung um mi Biakamnak bantukin voikhat hmanh atlin ballo buin Diamond Jubilee a phan ko. Pelte hmanh zulh a tawn lomi Panglong cahren le Thukam asi. Mirang kuttang ah kum (60) lawng kan um nain Kawl kut ah kum (75) kan um cang. Kum zeizatdah kawl sal ah kan tang rih lai.

Mirang salin kan luat I kawl sal ah kan tla than ni Pyidaungsuh Ni, February 12 asi. Kawl miphun an luat nain, a luat ballo mi Chin miphun kan si. Tlangcungmi vialte zong Chin bantukin an luat bal ve lo. Panglong biakam tlinter awk ah Tlangcungmi nih Hriamnam Dohthlennak kan tuah mi zong kum 70 leng asi ve cang.

Kawlram a luat nain a luat ballo mi Chinmi nih Union Day timi Pyidaungsuh Ni kan tuah awk asilo I kan I tel awk zong asilo. Tukum cu MAH nih Ropui ngai in Union Day Diamond Jubilee cu tuah aa timh. India nih Rangtuk Tha Tha (100) Laksawng an pek. UK Royal Family bantukin tuah aa timh.

Siangpahrang ka si tinak asi. Ka tefa nih Kawlram SPH tuan zungzal hna seh tinak asi. CDF le PDF raldai chung dingin asawm hna. Tlangcungmi hriamtlai phu zong asawm dih hna. NCA Chung te he tello he. Zungzal remdaihnak tuah Hram thawk dingin a sawm chih rih hna. Cakei chung chinmi nih Cakei le an kah Thawng an theih ah an ngaichia I inn leng an chuak lo. Rawl zong an eilo. Kah a tawnmi cakei thutpi in innchung ah an um.

Tlangcungmi kan thih ni , kan loh Ni, Kawl sal kan si Ni, asimi MAH Jubilee puai ah akal mi, akal khawh lo nain, thazang pektu le a cohlang tu, Chinmi vialte hna cu, nan nung buin vawlei ah phumh phu na si ko. Vomkhuai thih Kaw, Ngalhriang a hnakruh afak timi tuanphung a um nain, CDF / CNA nih Panglung biakam tlinter awk ah, Thisen le nunnak tampi pek in, ral an doh cuahmah lio ah, MAH ah atanhtu Chinmi vialte le MAH minung vialte cu, a hmun ah Rilko in kah that zong ah a phu ko ka ti ko kei cu.

Sahngar tih ah kan zuam nain cakei run le Chiandeih run thong inn a lut sual mi tuanbia kha atakin kan phan Ni Panglung sachuk Ni asi. Mirang he khuasa ti nak in Mikei he khuasa nak lei kan kal Ni cu kum (75) Diamond Jubilee a tlin cang Unau hna. By; Joseph R Thang