Press "Enter" to skip to content

Misual Min Aung Hlaing Nih Security Issue A Thanh Mi Cu Pu Biden Nih National Emergency Tiah A Thanh Hnawh Ve Cang

Twitter deuh ka hman i nai hrawng FB ah ca ka ṭial tuk lo. Kawlram lei thil cangmi nih umthiam loin a kan tuah cio.E.U le U.S.A hi nitlakram ahcun an biapi ngai.Denmark Prime Minister Mette Frederiksen sinah na hoikawm ram (allies and partners) pawl he hmalakpi dingin tiah 6-2-2021 ah nawlnak ca ka rak ṭial ve. “Na ca kan hmuh” tiah leh zong an ka leh ṭhan.

Cun Denmark ram um 350 leng nih demonstration zong nizan nai ah kan tuah ve i, Prime Minister’s Office zung tiang kan ke in kan kal i ca zong kan pek. A voi 2nk nolh ṭhan zong kan itim.Nizan ah UN Human Rights Council meeting (Special Session) ah ram 70 leng an kai i Denmark, Sweden, U.S.A hi tutan Kawlram kongah an hun ibiatak khun. Biapibik cem in an hun dir. Kan i lawm ngai.

CDM tha kan pek! Cun ti khawh tawk tein kan umnak ram ah kan rak cawlcang cio ko hna, ti kha report tawite hun pek ka duh.Democracy le Human Rights hi cu nitlakram Foreign Policy ah “soft issue” khi asi tawn. Nain, naiah U.S.A President nih Executive Order a chuah tikah tutan Kawlram thil cangmi cu “extraordinary threat to the national security and foreign policy of the United States” ah a hun chiah. Cucaah ” national emergency” ah a thanh.

U.S.A nih Kawlram kong “security issue” ah a hun chiah cu ka ruah phak leng khi asi.Kawl ralbawi Min Aung Hlaing nih “State of Emergency” a thanh i U.S.A president Joe Biden nih “National Emergency” ah a thanh hnawh ve. Cu nih a ra laimi ah ruahawk a hei tamter i thazaang zong a kan pek.Tutan ah mi tampi caah kan dirhmun cu: democracy versus military dictatorship khi asi men lai.

Cucaah tutan ah cucu kan doh ve ko.Nain, tlangcungmi kan ca ahcun military dictatorship lawng kha kan ral a si bal lo. Burmese chauvinism zong kha kan ral asi rih i, “tyranny of the majority” zong kan doh chih rih, ti kha philh lo ding asi. Kan dohmi ral ṭha tein kan ifian i “strategy” ṭha tein kan ngeih ahcun teinak kan hmuh te ko lai. Credit: Salai Van Lian Thang

Be First to Comment

Leave a Reply

Your email address will not be published. Required fields are marked *