Press "Enter" to skip to content

mizapi vengtu ralkap phu nih

Sian-Kaya ramri Demoso peng, Waiteku nitlak lei khua ah (ဝီသဲကူး) ah nizan February ni 20 i a chuak mi kahfohnak ah ralhrang 30 hrawng an thi i tamlakte hliam an tuar, tiah Demoso PDF nih thawng an thanh. Kahdohnak ah hin NUG cozah kuttang um Demoso- PDF, Luaikaw-PDF le KNDF hna i fonh in zing lei Sml 11 ah an doh hna i mipi veng tu ralkap phu lei zong in aa khawngdeng mi an um ve, tiah theih a si.

Ralhrang nih zanlei Sml: 3:40 ah helicopter 1 cu minutes 20 tluk aa hel i Sml: 4:45 ah vanlawng 2 in bomb an thlak, kahdohnak cu a fak tuk i ralhrang lei in hliam tuar le aa khawng mi an tam caah ralhrang phu hna cu hnu an tolh ṭhan, tiah Demoso PDF nih an thanh.

Sagiang ramṭhen, Salingyi peng Wanbao Mining Copper Campany nih Copper an cawhnak hmun pakhat cu February ni 20 ah Shot Tite Done (ရှော့တိုက်) hriam in kan kah hna, tiah Monywa Red Fire PDF nih an chim. Tuluk Wanbao Capany ah ralhrang phu hna an chungkhawt pawl an dorter hna caah ralrin peknak ah PDF nih an kah hnanak hi a si, tiah theih a si.

Monywa Red Fire PDF in chimphunnak nawlngeitu Ko Philip nih, “Tlangcung ah sniper zong an um, ralhrang chungkhar pawl cu Wanbao Company chung ah an i dup ti thawng le Monywa le Ngawngpingyi ah mortar in an kah hnik ti thawng kan theih caah ralrin peknak phun in kan kan kahnak hi a si, atu tiang ah aa hliam le aa khawng mi cu an um rih lo,” tiah a chim.

Cu kahdohnak a chuah dih hna ah ralhrang nih minung thazaang 100 ke in ra i Wanbao lam tonnak ah an rak phan i Kaankung khua thlanglei ummi ar zuatnak farm pakhat an kangh, tiah theih a si. Wanbao Mining Copper Company hi 2010 ah ralkap le Tuluk company hna i bawm in an rak dirh mi a si. Ralhrang nih uknak an laak hnu ah cu company i riantuan mi hna cu February 9 ni thawk in duhlonak langter in lam an rak zawh bal.

Credit: The Chin Post

Sagaing ramṭhen, Yinmapin(ယင်းမာပင်) peng Hnawyoe(နှောရိုး) khua pawng ah nihin February 21 zinglei ah SAC ralhrang cohlangtu Sagaing ramṭhen chief minister Myat Kyaw motor cu Myaut Yama(မြောက်ယမား) mizapi vengtu ralkap phu nih bomb in an doh caah motor chung um mi cheukhat aa hliammi le a thi mi an um, tiah tiah theih a si.

CM Myat Kyaw zulh mi motor cu Yinmapin (ယင်းမာပင်) khuachung phung-ki sianginn pakhat ah oxygen sehzung honnak puai telpi ding in a kal, tiah theih a si. Cu motor cu bomb puah an ton caah CM Myat Kyaw cu ralhrang helocopter in hmunhim ah an zuanpi, tiah theih a si. “Nihin zinglei ah Yinmapin nichuahlei Hnawyoe (နှောရိုး) khua pawng ah kanmah Myaut Yama(မြောက်ယမား) mizapi vengtu ralkap phufonh nih bomb in kan doh hna. Bomb puah in doh an si caah ralhrang phu cu fak ngai in hliamh an si.

Mizaw phortu motor in hliamtuar mi hna cu an thiar hna,” tiah Myaut Yama (မြောက်ယမား) mizapi vengtu ralkap phu hmaikal ralkap pakhat nih a chim. Cu thil a can hnu ah ralhrang phu hna nih PDF cu hriamngan in a pehpeh in an kah hna nain Myaut Yama(မြောက်ယမား) mizapi vengtu ralkap phufonh lei hliamhma tuar an um lo, tiah theih a si.

Be First to Comment

Leave a Reply

Your email address will not be published.