Press "Enter" to skip to content

Mizoram ah a Zaammi Chinmi Pawl Lumsa tein an Bultawl Hna

Mizoram ah a Zaammi Chinmi Pawl Lumsa tein an Bultawl Hna
———
Mizoram kan unau cawlcangh le an kan tuamhlawm ning hi lung a hmui, upat an tlak tuk hringhran. Nihin tiang ah Farkawn khuachung lawng ah minung 327 an i dor i, khuami nih tluninn an phawt cio hna. Cu minung 327 ca ah cun nihin ah Champhai Truck Owner Association nih Facang bag 60, Aalu bag 10, Chiti case 10, Piat Bag 2 an va pek tthan ve hna.

Aizawl zong ah cu bantuk cun an bultawl hna. Hmun dangdang zong ah lumsa tein le siarem tein zohkhenhnak an tuahpiak hna. Milu a lutmi an tthahnem cang. Cucaah, inn pakhat ah chungkhar 6, milu 20 leng hna an umter chung hna. Ka langhter duhmi cu: Mizoram kan unau nih an kan dawtnak le humhimnak hi a lianngan tuk hringhran.

Lailei Civui bantuk in tluninn phawt cuahmah le zohkhenh cuahmah an si. Caan sau zohkhenhnak ca ah timhtuahnak le dirkamhnak zong abiapi taktak hnga. Kan khualam tu dih colh hram seh. [Catialtu Salai Cung Dawt cu Delhi khua i CHRO zung ah Coordinator a ttuan liomi a si] The Chin Journal

Be First to Comment

Leave a Reply

Your email address will not be published. Required fields are marked *