Mizoram Ah Gin Khan Siam (Kum 26) Nam Sawh In A Thah Tu Lalawmpuia (Kum 25) An Tlaih Kho Cang
Mizoram Ah Mi Pakhat Nam Sawh In A Thattu An Tlaih Khawh, India, Mizoram ramkulh Aizawl ah chawleh chawhrawlnak tuah in a ummi Gin Khan Siam(Kum 26) cu March ni 5, zinglei ah nam sawh in thah a tong i, a thattu Lalawmpuia(kum 25) cu nihin March ni 6 zinglei ah an tlaih khawh tiah theih a si.
Cu thil a can lio hi zarhpini Biakinn pumh kal lio caan a si caah minung an king, hi thil a can lioah mithmutu cu an um lo nain, an pahnih bia an i al hnu ah i thahnawnnak a chuah hi a si lai tiah zumh a si. Gin Khan Siam cu nam sawh a ton hnu ah a pawngkam ummi nih siizung ah an kalpi hnu ah a nunnak a liam hi a si.
Gin Khan Siam a thattu Lalawmpuia cu a zaam nain, nihin March ni 6 zinglei ah Kolasip khua pawng ah an tlaih. Lalawmpuia hi thongchuak misual taktak a rak si i umnak taktak a ngeimi zong a si lo tiah theih a si. Zalen
Relchap; Matupi khuachung um tanghra camipuai a tuahtu ding siangngakchia hna cu SAC ralbawi byuhahmu Ye Kyaw nih minung pakhat ah kyats 15,000 a pek hna tiah theih a si.
Chin ramkulh, Matupi ah SAC kuttang um tanghra camipuai cu a ralaimi March ni 8 in an thawk cang lai tiah kan theih.
Matupi khuachung cu February ni 6 in tanghra camipuai an tuahchung vialte khualtlung cazin caankel tein an check lai tiah theih a si.
Nai tan zong ah SAC ralkap nih tanghra camipuai tuah chung ah Matupi peng lam hna cu an phih lai tiah thawngpang a leng cang. Nizan zaanṭim ah Matupi khuachung ah SAC ralkap leilawng hna cu khuachung ah an i chok len, zeithil a can cu khuami nih an thei lo. Khuami hna nih an ruahnak ah cun tualchung hriamtlai phu nih drone an thlah caah a si kho tiah an chim.
Matupi khuachung ah eiding le facang an donghcahnak kong ah SAC ralkap lei in zeihmanh tawlrelnak a um lo caah khrihfabu nih khuachung ah facang a luhkhawnak hnga an tawlrel.
Matupi khuachung a phan tharmi pengkomh khuabawi U Kyaw Ngyein nih cun “kanmah ca cu vanlawng in riahcaw kan kuat lai, nanmah mipi pawl hi ei awk ngei loin nan um lai” tiah facang cah ding in GAD zung a phanmi rian ngeitu hna cu hrocer in a raak hna tiah theih a si. Zalen
