Press "Enter" to skip to content

Mizoram Cozah Nih Myanmar Ralzaam ID Card Tuah Piak Ding In Timhlamhnak A Neih Cang

Mizoram cozah nih Myanmar ralzaam mizapu 16,000 hrawng cu ID Card an tuah piak hna lai tiah ramkulh runvennak zung in Pu Vanlalngaihsaka nih a chim.


Vuanci Pu Vanlalngaihsaka nih ” hartong hna ID Card kan chuah piak hna, Covid a karh than caah Card tuah piak kan hnuar deuh, ralzaam cheukhat cu hawikom rualchan inn ah an um hna tikah Card chuahpiak dingin a har ngai, a cheukhat ah IDP ah an um hna, Covid a kian deuh in kan thawk than lai” tiah a chim.

hi ID card hi neih ahcun mizoram ah an free deuh lai a umtonak,a ruang cu ralzam dir hmun a um mi cu,umnak ah ID a neih lo,cu caah ID neih lo cun,tlun kal duh ah thil ri cawk nak zongah a herh bak mi asi caah asi.Covid zong a tu lio hi Mizo ram ah a karh tuk caah,ramzam sinak ID aherh ngaingai mi asi.

THAWNGPANG DANG.Kachin ramkulh, Hpakant peng Lungkhin khuakomh nichuahlei ralhrang phu hmunhma, Jayayan(ဂျာရာယန်) sakhan cu nihin February 3, zinglei suimilam 3:00 hrawng ah KIA brigade 9 kuttang um battalion 6 in KIA phu hna le PDF nih luhhnawh in an doh hna hnu ah cu sakhan cu an lak khawh, tiah KIA thawngzamhnak in theih a si.

Ralhrang sakhan laak kahdohnak ah ralhrang a thi mi an tam kho, kahdohnak kong ah a thi mi le hliamtuar fianghlang in theih a si rih lo. Nihin zinglei suimilam 5:00 luan deuh hrawng ah Hpakant ralhrang nih an umnak tlang in an duhnak hmun poh hriamngan in voi 10 leng an kah, tiah theih a si.

Kachin ramkulh, Mohnyin peng Mawhan khua um palik sakhan zong nihin February 3, zinglei suimilam 3:30 hrawng ah KIA battalion 35 le PDF phufonh nih doh in an sakhan cu an laak khawh tiah theih a si. Cu sakhan cu mei in an khangh hnu ah checkhlatnak an tuah i ralhrang phu lei riansang tlaitu minung 2 an thi. Hriamthil tam ngai a tlaih lengah ralhrang cheukhat an nun bu in tlai a si, tiah PDF thawngzamhnak nih a langhter.

 

“Zinglei tuante ah Mawhan palik sakhan le menghratung kar ah hriamngan le hriamhme kahthawng cu theih a si hnu ah Mawhan palik sakhan cu mizapi vengtu ralkap phufonh nih an lak khawh kha kan theih, atu ah vanlawng thawng kan theih ṭhan,” tiah Mawhan khua pawng um mi pakhat nih Khit Thit Media ah a chim.

Be First to Comment

Leave a Reply

Your email address will not be published.