Press "Enter" to skip to content

Mizoram Le Manipur Peng Chung Ah Hriamthil Le Ritsii Tlaih An Tong

Mizoram Le Manipur Peng Chung Ah Hriamthil Le Ritsii Tlaih An Tong. Kawlram he a neih ah a ummi India, Mozoram le Manipur peng chung ah hriamthil pahnih le rithaisii pawl hna cu hmunkhat ah phungning tein minung (3) an tlaih hna tiah Asaam Rifles nih a thanh.

Tamu ram he a tlaimi Manipur ram, Ukhrul peng ah Bing 5 kg a ritmi India Rupees ting 5 man hrawng a si mi thil cu July 19 ah a phurtu minung (2) hna he tlaih an tong tiah Asaam Rifles nih a thanh.

Manipur ram chung um, Senapati-Ngatan-Khamsom Lam ah Ak-56 meithal pakhat, pistol pahnih le kuan hna cu July 20 ah tlaih an tong tiah Asaam Rifles nih a thanh.

A donghnak ah Paletwa peng ramri he a tlaimi Mizoram, LawngttaHlai ah July 21 ah Pistol 2 le kuan, voikhatthun ah panga a thun kho mi a phurtu pa pakhat he an tlaih chap tiah Asaam Rifles nih a thanh.

RELCHAP; Mizoram Ah Rithai Sii Zuar Le Ooredoo Co. Ltd an Chuak Hi MAH Ruangah Asi. Ooredoo Kawlram in an chuak ruang ah Rian ngeih lo tampi a karh. Ralhrang nih rian a pek khawh ti hna lai. Ahodah an mah le chungkhar paw a cawm ti lai.

Rithai sii, Bing zuar an tam khun lai. Bing zuk, Rithai sii hmang mi an tam tuk te lai. Nu aa zuar mi an karh tuk te lai. Raldoh ruangah si loin, a ruang um loin mithah Lainawng nak a karh tuk te lai. Kawlram cu arau hlan ah Sodom le Gomorrah kan hluan te lai.

Ooredoo he zuamcawh aum ti lai lo caah, Phone company rual service a chia ngai cang lai. Data man a kai lai. Aman hi an duh poah in an kai le lai.

Ramdang nih kawlram an kan fih cang lai. Thilman a kai lai. Datsi Diesel man a kai lai Dollar man a kai lai. Rallokap, an minung nih dollar phaisa an I khonh lai. MMK le USD an thlen dih te lai. An phaisa kha thahpiak an tih caah. Hi nakin fak deuh in kan harsat deuh cang lai. Investment

Mipi kan harsat tuk cang lai caah Bing le Rithai sii Sipuazi aa hlawk tuk te lai. Mirum hna nih mi sifak hna cu Mizoram ah bing le rithai sii zuar an fial te hna lai. An um lo kar ah an nupi le an it pi hna lai. Mizo Palik nih an tlaih hna lai caah, an fale cu tirawl loin an vak lai.

Pa bik cu Mizoram ah thong an thlak caah, ngahṭah nunhluan in an um te lai. Leiba an chamh khawh lai lo caah an ngeihmi an zuar dih te lai. An zuar manh lo ahcun: An ngeih mi vialte cu: Mirum nih an tlaih piak dih te lai. An nu le a fanu zong an tlaihhrem pah te hna lai. Kawl Mirum cu Satan an tam deuh ve ti cu hngalh cia.

Rithai sii zuar cu Mizo ram nih an khamh ko lai nain an ti khawh lailo. Zeitintiah Mizo mino tampi cu rithai sii le zu in anung mi an si caah. Kawlram lei zong nih rithai sii Sipuazi cu an ngawl hlei lai lo, Zeitintiah kan ram ah rian aum lo, ei awk an har tuk cang. Rithai sii zuarmi dantat le thongthlak cu Mizoram nih biatak tein an ṭuan ko lai nain an khap khawh lai lo.

Zeitintiah Bing le Rithai sii in Sipuazi tuahtu Boss hna cu: Rallokap bawizik rual; Crony pawl le an sahlawh rualchan hna an si. Mizo nih an tlai mi hna cu: Rawl caah kuli ṭuan mi le an Agent lawng an si. Mizo le India nih an ram ah Bing le Rithai zuar an duh lo ahcun, Ralhrang nan kan doh pi a herh. Pumpak in nan I tel khawh lo ahcun: Phaisa, hriamnam le Kuanfang in nan kan bawmh khawh ve. CDF Mizo Ralkap an tuah ve I MAH le Ralhrang nan do ve a herh.

MAH le Ralhrang Rallokap an cihmih khawh asilo i kan thluk khawh hna lo ahcun” Bing le Rithai sii Smuggling hi aum zungzal lai. Bing zuar tu Rallokap kha cihmih in thah a herh. MAH kuttang ralbawi rual hi Heroin KING le Drugs King lawngte an si.

MAH nih Rallokap cu Bing le Rithai sii hmang nak nawl a pek hna, zuarnak nawl a pek hna. Mizo ram ah rithai sii zuar aduh lo mi vialte nih MAH nan kan doh pi a herh. Nan kan dohpi khawh lo ahcun Assam Rifle nih an tlaih mi Hriamnam vialte kha kan lak piak ṭhan uh. Hi hnu tlaih ti lo ding in YMA, YLA, MTP, mikip nih kan bawmh uh.

Human Trafficking a karh lai. CEDAW phung buar, Women Rights buar le Child Rights buar a tampi te lai. Ooredoo Communication Co. Ltd le Total Gasoline Company cu Kawlram in an chuak ruangah Rian lo in tampi vakvai asi cang. Rangoon lawng ah rian a ngeih ti lo mi hi (hlan lio rian ngeih mi an si) nuai 1 leng an si.

Hi rian ngeih lo hna Thai, Tuluk, Malay, tbk an zuar tawn hna. Nu tleirawl tete hna cu an pum an zuar ter hna I nu ṭhalo an si bet cang. Brokers Puaisa nih kalnak man tampi an lak hna. An khuami le an theihhngalh mi sin ah a karh tampi (10% interest) an cuai, a cheu cu rianṭuan man zuk ding in company ah puaisa nih an zuar hna.

Khualei ah phaisa an kuat khawh tilo. Phaisa karh nih atam tuk caah Mirum hna nih an Innlo le nel, saṭil, Dumhau tiang in an lak piah hna LEIBA caah. Pum zuar awk ah an timi Tleirawl nu tete hna cu rawl le TI pek loin an hrem hna. An duh rih lo ahcun Acid toih an timh hna. Thih lo nung loin an chiah hna.

Thih nak chacun tiah, khualei Leiba chamhnak le Kawl ah a tang mi Chungkhar pawcawmnak caah nu ṭhalo asi thai mi tampi an si cang. Pum zuar awk ah Thai le Malay ah a kal mi Kawl mi le Tlangcung mi hi an um theng lo. An ram an phak hnu ah Kawl Brokers (puaisa) le an ram mi ṭhalo Company hna eihmur nak le nuhrin covo buarnak in aa thawk mi asi. Namneh tuk ding an si lo. Thai, Malay ah Kawlnu / Tlangcungmi nu aa zuarmi hna khi mah Bantukin an tuah hna I hramhram in an fial mi hna ansi.

Chin, Kachin, Karen hi Human Trafficking atam bik nak asi. Kan ram ah Ramdang investment le company an um lo nain, Hi hmunhma 3 hi mi zuarthlai nak tambik a ingtuar mi kan si. Ooredoo le Total Co. Ltd an I ngawl ruang ah human trafficking a in tuar bik ding le

Rithai Sii zuar in a Eidin mi si awk ah CHIN hi level first ah aa tel mi asi. Chin, Kachin, Karen ah Investment tuah le Company rian cu a tlawm nakin Chauvinism timi nautat deu hna ruang ah le miphun thleidannak ruangah Zuarthlai an tawn bik tiah HRW le UNCHR nih tehte an khan mi asi. ZTC

Be First to Comment

Leave a Reply

Your email address will not be published.