Press "Enter" to skip to content

Mizoram Ralzaam Dirhmun In A Um Mi Kan Lai Nu Hna Tlaihhrem An Tong Lengmang Cang Ee

Kan hnu lei ah Champhai Distric ah kan lainu le a fa le rual ralzaam nak ah harsatnak tampi an ton nak kong kan hmuh. Ngaihchia taktak kan si ral ttih ah Mizoram kan panh cio nain kan zaam nak ah kan fer le kan nutung no pawl pasal le he a zaam lomi an him lo. Tlaihhrem le inn chungah luh hnawh tete an ton pah tawn.

Pumpak kan him lonak kong hi kan lainu nih thup loin ral kan zaam nak khua i kan lai upa sinah nan harsatnak chim ngam a biapi. Cu tyi kan si caah a lam zei ti tal in kan kawl piak uh tiah chimh ngam a n herh taktak. Kan hnu le Nu farual a luh hnawh tu hna zong kha kan lai yupa le hruaitu sinah a chim ngam lo i a poi ngai.

Cu kan lainu hna nih kan theih bak dingmi cu miphun dang sin kan zaam tikah hin za long tuk i nun hi a tha lo. A ruang cu Mizo nih ngamh colh le nek colh kan fawi ngai kan thilhruk le kan um dan hin tha deuh te i kan nun a biapia ngai.Nai te zongah kan mah pawngkam um mi Thantlang peng nu kan farnu cu a umnak inn ah vaipa pawl nih luh hnawh dingin inn ka boh dih an va timh i a tap tuk i voi tampi a van kan ph hnu ah kan va kal i a umnak inn in kan sin ah kan rak hruai cang. Voi thum li cu cu ti cun an ka tuah tiah a chim.

Ai zawl in Lawngtlai le Champhai hmun tam ngai ah khual ka tlawng i Mizo pawl nih kan um tuning pawl an kan nek ngai an i ceih thawng ka theih lengmang. kan thil hruk le khuachungah kan umdan le kan cawlcangh ning hi zoh kan dawh lo caah mah ti hin an kan nek nak a si bik. Cu caah pa kan si ah Kan far le nu kan si ah kan umdan hi dawh deuh i um a biapi ngaingai. Kan nupawl zong nan mah nan himnak ding a si ahcun ningzah pang tuktak a hau lo, tuaitam tu le luh hnawh hna nan ton a si ahcun kan upa hna sinah thawng thanh colh hna uh. Crd..Pa Lian

Thawngdang Relchap>>>>><<<<< Hakha Peng Ah SAC Ralkap Nih Sakhaan Hmunthum Ah Chap An Timh! Min Aung Hlaing nih, Chin ramkulh chief minister rian a pek tharmi Dr. Vung Suan Thang nih Hakha peng chung a him khawhnak ding ah SAC ralkap Sakhaan hmunthum ah sak chap dingin Min Aung Hlaing sinah ca a kuat tiah, theih a si.

Dr. Vung Suan Thang nih Ralkap sakhaan sak chap dingin a halmi hmunthum hna cu,” Hakha – Gangaw lam a him khawhnak ding ah Zokhua le Tinam khua hna ah SAC ralkap le Palik sakhaan sak chap ding, cun Hakha-Falam lam a him khawhnak ding ah Chunchung khua ah SAC ralkap le Palik sakhaan sak chap ding in a hal.

Chin ramkulh khuapi chung cozah ngeihmi inn hna le zung hna cu SAC ralkap le palik nih hmunhimnak tha tein an lak khawh, khuapi chung luhchuahnak paoh zongah humhimnak tha tein kan lak khawh, tiah Dr. Vung Suan Thang nih Min Aung Hlaing sin a cakuat mi ah cun a tel chih. Credit: The Chin Post

Chawlehnak lei Rian Ngeitu Hna Nih Ngunkhuai Pek Ding in SAC nih Chim. October 04,2022_CCN Channel. Chawleh rianṭuannak rianngeitu hna nih an pek awk a si mi ngunkhuai cu tling te pek ding in SAC tutlai Min Aung Hlaing nih October 3, Yangon i Chawlehnak rianngeitu pawl he ton biaruahnak ah a chim.

SAC lutlai nih ngunkhuai kong he pehtlai in Kawlram cu kan innpa ram hna he tah chun ah cun ngunkhuai pek ning zatuak a tlawm lei a sinak kong a chim. Cu pin ah rampi nih thanchonak caah a hmannak kong le a tam deuh in hal ton sual ah cun report peng ding tibantuk pawl a chim chap.

Culeng ah pekding ngunkhuai pawl cu a ra lai mi rampi thanchonak ding budget ah telh ding in a chim. Chawlehthalnak rian hi rampi pakhat i a nunnak pakhat a si ca ah rampi chawlehnak a rawh a si ah cun rampi a rawh khawh lawng si lo in ramkhel lei fehfuan lonak zong a chuah khawh ca ah Chawlehnak rianngei tu hna nih biatak te in ṭanpi ding in forhfialnak a tuah.

Mipi pawl nih hramhram uknak la tu SAC sin ah ngunkhuai pek lo ding in dohthlennak an tuah bantuk in NUG zong nih online in ngunkhuai pek khawh ding cu September 20, 2021 ah phunghram a rak feh ter.

A tu zong ah NUG sin i ngunkhuai a petu an um nak kong le ngunkhuai in hmuhmi tangka hna zong NUG nih a thanh tawn. Reference: The Irrawaddy – Burmese Edition

Russia Hmunhma Cu Nikhat Hnu Nikhat In Chuh Asi Chin Lengmang Cang. Russia nih an lakmi hmunhma vialte lakah biapibik a si mi Kherson in north-east ah a ummi Dnieper tiva i Russia sakhan pawl cu Ukraine ralkap nih an pah khawh cang hna. Ukraine nih teinak an hmuhmi kong hi Kherson uktu ah Russia nih rian an khinhmi officials nih an chim. Russia lei zong biataktein an i chang sek len ko, tiin an chim. Pengkulh dang tampi zongah hmunhma lak chap mi an tam ngaingai, tiin Zelensky nih thatho ngaiin a chim.

Nichuahlei in, Russia kut a phanmi Luhansk pengkulh a chunglei pi tiang Ukraine ralkap pawl hmai an nawr cang hna. Hmun tampi ah kahdohnak fak ngaingai in a tlung cuahmah ko, tiin Zelensky nih a chim.

Luhansk he ai ramrimi Russia hriamnam chiahnak khua Lyman cu Saturday ah khan Ukraine ralkap nih an lak khawh cang. Luhansk pengkulh a chunglei kilometer tlawmte tiang Ukraine ralkap an hung lut cang, tiin Russia tanhtu hriamtlai pawl nih an chim. Ukraine ralkap an phanhnak hmun hi Kremenna le Svatove an si theo lai, tiah ruah a si. Ralhauka thing in meng 20 ai hlatnak ah a ummi Dnieper tiva kap khua Dudchany tiang Ukraine ralkap pawl an phan cang, tiin Kherson ah Russia nih bawi an chiahmi Vladimir Saldo nih a chim. Mah ka khmun ah cun Ukraine ralkap pawl sakhan tampi an um cang, tiin a chim.

A tu hi Duhchany khua zong Ukraine nih an lak than cang, tiin a cheukhat Russia nih an chim. Dnieper tiva kap i sakhan chiahnak khua tiah theih mi Zolotaya Balka lei pi tiang a thawng taktakmi le a milu zong a tam taktakmi Ukraine tanks pawl an lut cang, tiin Russia defence ministry aiawhbiachimtu Ignor Konashenkov nih a chim. Mah ka kahdohnak ah Russia nih Ukraine ralkap 130 tluk an thah, tiin a chim. Kherson in meng 44 hlatnak ah a ummi Kakhovka hydroelectric power station lei ah Ukraine battalion 2 an kal lio pi a si, tiin Mr Saldo nih a chim. Mah hi station hi Nova Kakhovka khua ah a um.

Ukraine nih an i tinhmi cu Dnieper tiva hrawn ah sakhan a chiami Russia ralkap 25,000 hi ti le rawl, hriamnam, minung chanhnak lam vialte chah hi a si, tiah Reuters nih a chim. Kherson in nitlak lei ah a ummi Antonivsky Hlei cu Ukraine nih miakpi in bauh viar in an hrawh cang. Hi hlei hi Kherson khuapi hlatnak ah Russia nih an i rinhmi a si. Kherson le Luhansk hi Putin nih a ram ah a thanhmi pengkulh 4 lakah ai telmi an si.

A ngaingai ti ah cun, mah hi pengkulh 4 lakah pakhat te hmanh hi Russia nih a ningpi in a ukmi pakhat hmanh an um rih lo. Friday i pengkulh 4 a ram i namhnehnak puai a tuah tlawmpal ah a tu bantukin ralram i an dirhmun cop le cilh in a khupthal ai let colh ve. 2014 lio i Russia nih an chunhmi hna Crimea pengkulh telh in, tutan i Russia nih an lakmi hmunhma vialte hi pakhat hmanh tangbang lo in kan lak dih than hrimhrim lai, tiin Ukraine nih bia an i kam. Credit: Chelsea Bawi

Be First to Comment

Leave a Reply

Your email address will not be published. Required fields are marked *