Muidawh Hlasakthiam Sungsung Nih New Delhi A Tlawn Taktak Cang Lai

INDIA) I’m COMING 🤍 *if God is willing, im coming* New Delhi Laimi hi tlawn ka duhnak hna a sautuk cang nain caan arem bal lo. Tutan cu ruah lo piin aa tong thiam ngai. Bawipa khuakhaan zong asi lai ti ka zumh! Hlunghlai tak in concert an tuah mi ka hngal bal lo.

Avoikhatnak asi tiah ka zumh! Tutan hi Bawipa nih kan zaangfah sehlaw, RamLeMiphun caah FUND kawl rih hna usih. Keizong, miphun caah #Volunteer bak in kaa rak thawh ve la. Kaa ngaih tuk. Thlacamnak in i bawm cio hna usih. Kan i tong te hna lai. Credit; VHsungmusic

Kahdohnak ruangah inn le lo a zaamtakmi le mipi thilrii hrawh an tong UNOCHA nih a thanh, The Chinland Post | 2022 March 26 – Thlanglei Myanmar ah SAC ralkap le Chinland Defense Force, People Defense Force karlakah kahdohnak fak a chuak i March 14 tiang UN nih an ngahmi cazin ning cun hramhram uknak lak a si hnu in a cangmi hramhram thiltuahnak ruangah inn le lo a zaamtakmi mipi 272, 900 an um i Chin ramkulh, Sagaing ramṭhen le Magway ramṭhen hna ah a tambik an si tiah theih a si.

India ram chungah a zaammi Myanmar rammi 31,000 leng an um cang. Cun, 2021 February thok in mipi 4,600, biakinn le phungki sianginn telh in mipi ngeihmi thilri tampi hrawhpiak an sinak thawng zong theih a si tiah a thanh.

Minung le minung karlak i bawmhchanhnak rianṭuantu pawl cu khualtlawnnak a har tuk ko nain lakhruak in a herhmi bawmhnak cu tikhawhnak lam in bawmhchan a si tiah a telh chih. Myanmar ram ah, hramhram in uknak lak a si hlan ah mipi 370,000 le hramhram in uknak lak a si hnu in mipi 502,600 telh in a zapi te mipi 889,900 hrawng ralzaam in an um tiah a langhter.

2023 ah thimnak tuah ṭhan ding in timhtuahnak kan ngei tiah SAC nih a chim. The Chinland Post | 2022 March 26 – SAC nih 2023 ah tuah ding in timhtuah a simi thimnak cu Kawlram pumpi ah tuah khawh ding in kan i zuam tiah SAC in biachimnak nawl a ngeitu Major-General Zaw Min Htun nih March 24 ah a chim.

“Thimnak hi kan tuah khawhnak hmun ah kan tuah lai. Kan tuah khawh lonak hmunhma hna kan nganhtak a si ahcun Democracy le thimnak a thawtnam a tlau dih lai. Cucaah, Kawlram cozah nih a raa laimi thimnak ah Kawlram pumpi khoika hmanh nganhtak loin tuah kan i zuam”.
2010 hnu ah thimnak voithum tuah a rak si i peng 330 a ummi chungah 2010 thimnak cu peng 325, 2015 thimnak ah peng 323, 2020 thimnak ah peng 315 ah tuah khawh a rak si tiah a chim.

2010 thok in peng tlawm deuh lawngah tuah khawh a si kha hmuh a si i 2008 phunghrampi ning cun a dikmi le a tlingmi thimnak lam hman a si lai tiah a langhter caah party tling thimnak cu Kawlram pumpi khoika hmun hmanh ngan loin hman a si lai tiah Major-General Zaw Min Htun nih a chim.

Cu bantuk thimnak kan tuah khawhnak hna a hrampi a simi zalong te le tlukruannak a ummi thimnak cu Kawlram pumpi in tuah a si lai i General Election timi biafang he a tlak fawn lai tiah a chim. Thimnak Commission chungtel U Khin Maung U nih cun, a raa laimi thimnak ah Pyithu Hluttaw cu Proportional Representation (PR), Amyotha Hluttaw cu First Past the Post (FPTP) phung hman a si lai tiah a chim.

Hramhram uktu phu nih rian a khinhmi Union Election Commission le phunglut party 90 leng ah party 59 cu a 2021 March thla Naypyidaw ah a voikhatnak an i tong hna i PR phung in thimnak tuah ding ah ceihhmainak an rak ngei. November thla chung zongah Naypyidaw ah party 53 i tong in biaruahnak an ngeih bantuk in December thla ah party 62 in Yangon khua ah biaruahnak an rak ngei ṭhan.

NLD party chungtel pakhat nih cun, 2008 phunghrampi ah Commander-in-Chief nih thimnak tuah khawhnak nawl a ngeih lo bantuk in Election Commission zong dirhnak nawl a ngeih lo caah a tu a tawlrel cuahmahmi hi phung a lut lo tiah RFA ah a chim. SAC nih thimnak tuahṭhan aa tim ko nain Kawlram pumpi in hriamtlaih le kahdohnak a chuah caah thimnak tuah khawh ding cu a fawi lai lo tiah thil ngiatlaitu pawl nih an chim. The Chinland Post