Muidawh Le Lemcangthiam TinTin Cu SAC Ralhrang Nih An Tlaih Ve TakTak Cang
Muidawh le lemcang TinTin(သင်းသင်း) cu nizan February ni 22 ah Yangon Tamwe (တာမွေ) Mattahngunh(မေတ္တာညွှန့်) sang i a inn ah an tlaih, tiah amah he aa naihniam mi nih an chim. February ni 22 zaan ah a inn ah sangukbawi, ralhrang le palek pawl nih khualtlung list kan chek lai, tiah kutka an onternak cu lemcang TinTin nih a social media cahmai ah live a thlah mi zong hmuh a si. A chungkhat lak in minung pakhat nih, “TinTin hi tam deuh cu a tunu te he an um ṭi, an tlaih lio ahhin a nule a ṭapa te zong an um, atu tiang phone kan chawn kho lo,” tiah BBC ah a chim. Nu Palik tel loin an tlaihnak kong ah hin a chimceih mi zong a tam ngai. Ralhrang nih lemcanthiam TinTin an tlaih mi kong ah thawng an thanh mi um rih um rih lo.
ANP Central CommItee Chungtel Khin Kyaw Moe Cu AA Nih An Tlaih: Arakan National Party (ANP) chungtel U Khin Kyaw Moe cu AA nih an tlaih, tiah thawng theih a si. U Kihin Kyaw Moe hi United League of Arakan(ULA)/Arakan Army(AA) party aiawh in Naypidaw ah tuahmi Union Day program ah a kai mi U Hla Saw cu social media i a volhpamh ruang ah atu bantukin an tlaihnak hi a si, tiah tHawng theih a si. U Khin Kyaw Moe hi Sitdwe Min Kaan sang ah a um mi a si i, AA control-nak hmun ah an kalpi, tiah theih a si.
February 15 ah khan U Hla Saw cu a facebook cahmai ah a tag i a volhpamh caah AA nih an auh. Cu hnu February 21 ah a facebook cahmai in ‘zu ka rit ruang ah ka volhpamh sual,’ tiah a nawl ṭhannak kong cu hmuh a si. U Khin Kyaw Moe tlaih a tong ti thawng kong he pehtlai in ANP party hruaitu U Ta Tun Hla cu bia an hal nain in a leh mi bia a um rih lo. U Khin Kyaw Moe hi Rakhine party i Central Executive Committee(CEC) chungtel a si pin ah Rakhine siangakchia cawlcanghnak ah a rak tel bal mi le fimthiamnak sang ngei mi pakhat zong a si.
Ralhrang nih an tuahmi Union Day program ah ULA/AA party aiawh in a kai mi i Rakhine party theihternak a tuah lo pin ah a chuah tak mi zong a si fawn lo. Cu kong he pehtei in central commetee nih meeting auh in bia khiahnak kan tuah lai tiah Party hruaitu nih Arawadi ah an chim. AA nih hin a mah he a hmuh ning a dangmi NLD party MP pawl a rak tleih hna i a thlah than hna.Crd the chin post
