Press "Enter" to skip to content

Myanmar Ralkap Nih Uknak An Laknak Chan An Chim I President Thar Zong An Phuan Colh Rih

Myanmar ralkap nih cun kum 1 chung uknak an laknak kong cu mipi sinah theihter nak an neih i, zeiruang ah dah hi uk nak hi an lak timi pawl vialte zong mipi sinah fian ter nak an tuah colh. Uknak an laknak chan i an chim mi cu, Myanmar rampi ithim nak ah vote dik lo a um ti’n mipi nih sandah piahnak an neih cuahmah nain, cunglei nih zei ah an rel lo tikah cupawl humhim nak caah uk nak an lak nak hi a si tiah chimphuan nak an tuah. “Mipi nih rampi hruaitu duhlonak langhter in lamzawhnak an neih cuahmah ruang ah an uk kho loh tiin uk nak hi kan lak mi a si” tiah an ti.

Rampi president Win Myint le Rampi ruahnak petu Suh Kyi an tleih cang hna ruang ah a dang tein rampi president tuan dingah U Myint Shwe an chiah an thim cang nak kong zong an phuan colh. U Myint Shwe cu Myanmar ram ralbawi changtu le ,NLD cozah chung zongah vice president tuantu a si.

Ralkap lei i an chim bantuk a siah cun, khum khat chung ah felfai tak in ithim nak tuahthan an timh i NLD hruaitu pawl cu an tleih dih cang hna. An chim bantuk in, kumkhat chung i a si taktak lai maw timi cu theih a si rih loh. Yangon Airport lut chuak zong an phih rih i MRTV zong dinhter a si rih.

Tu i dithmun Myanmar ramchung Phone line pawl an phih piak dih hna i, zeitik tiang dah an phih rih lai timi zong theihkhawh a si rih loh. Cheukhat cu zeitin dah si hnga internet a hmang kho mi zing an um rih ko. NLD lei nih cun, phunglam ning bantuk in zeipoh hi an doh peng rih lai timi ko le, mipi hahdam tein um ding kong an chuah ve. Asinain,ralap kutchung ah an um dih cang timi cu theih ding a si i Presient zung zong in uknak cu ralkap sin i an hlan nak kong a chim. Nazi kar dante zong ah thil ai thleng lengmang timi hi kan theih ah a tha lai.( Myanmar Now , BBC )

Be First to Comment

Leave a Reply

Your email address will not be published. Required fields are marked *