Myin Mu Peng Chungah SAC Ralhrang Nih Khuami Minung 20 Mei Khangh In An Thah Than Hna Cun Nu HngakChia An Tlaihrem i A Hnu Ah A Thah Than Thiam
Myin Mu Peng Chungah SAC Ralhrang Nih Khuami Minung (20) Lengkai Cu Mei Khangh In An Thah Hna Pinah Nu Ngakchia Kum 13 Zong Tlaihhrem Hnuah An Thah Hna Sagaing ramthen Myin Mu peng chung Ba Da Thaing (ဘဒတ္ထိုင်း) khua ah nawlngeihnak latu SAC ralhrang ralkap nih.
sualnak ngei lomi khuami minung (20) cu aruang umloin an thah hna pinah kum 13 lawng simi nu ngakchia pakhat zong tlaih hrem hnuah mei an khangh tiah PVTV thawngzamhnak nih a langhter.
January 31 ah nawlngeihnak latu SAC ralhrang ralkap hna nih (Ba Da Thaing) khua chung cu luhhnawhnak tuah in atu bantukin ningcang loin mipi cungah thahnawnnak an tuah hi a si.Meikhanghnak in nunnak a liammi zat hi (20) an si lai tiah theih a si nain hi nak hmanh in an tam deuh kho tiah theih a si.
thawngpang dang.Kayin ramkulh, Hlaingbway khua ah ralhrang nih uknak an laak kumkhat a tlin ni camtuak ah ralhrang cohlannak an tuah i, cu i an hruaitu minung 7 cu min hngalh lo hriamtlai phu nih an tlaih hna, tiah khua mi sin in theih a si.
Tlaih a tong mi hna hi atu tiang khoika ah an chiah hna theih a si rih lo. Hlaingbway khua mi pakhat nihcun, “Ralhrang cohlannak puai cu anmah pa sarih nih an hruai hna. Ralhrang cohlannak puai ah cun khua mi hohmanh kan kal lo.
“An tlaih hna hmanh hi a nem tuk rih, ralhrang thapetu le leirawitu an si i, fimtawl ding hrimhrim an si,” tiah a chim. Atu an tlaih mi hna hi a thlithup in National Identity Card a tuahtu le ralhrang/palek sin ah thawngpetu an si hna, tiah Hlaingbway khua um mi khua mi hna zong nih an chim.
KAHDOHNAK THAWNG: Kalay Thlanglei Ah Mizapi Ralkap Hna le Ralhrang Kar Kahdohnak A Chuak; Kalay thlanglei ah a um mi, Kyinthar(ကြံသာ) khua ah umhum a khuar mi ralhrang phu le Pyo-Saw-Tti pawl cu CDF-Kalay, Kabaw, Gangaw(CDF-KKG), CDF-Hakha, PDF-Kalay brigade 4, 7, Ranger Kalay Defense Force(RKDF) phu hna aa bawm mi nih nihin February 3, zingka suimilam 6:30 thawk in an kah hna, tiah theih a si.
