Na Tuh Bang Na Zun Lai Tiah Bible Bia A Tling, Thatlonak An Tuahmi Cu Anmah Cungah A Tlung Colh
Chin ramkulh, Thantlang khuachung ah CDF hna an kalnak lam ah ralhrang nih bomb an hmanh i nizan february 14 ah khan anmah chungtel lila in khah-lah-yiah 269 tat-yin-hmu, duh-bu-hmu-gyi Myo Zin Tun nih aa lamhsual caah a ke a bul. Bomb aa lamhtu ralhbawipa cu atu hi Mingalardung ruh lei zohkhenhnak ralhrang siizung ah a ke cu an thawpbul lio, tiah theih a si.
Nizan February 14, ah amah he rianṭuanṭi khat le sianginn dihti mi G1 duh-bu-choh-hmu-gyi Ye Lin Aung le a hawile nih phaisa sing 10mmk hrawng bawmhnak ah an pek. A ke a bul mi duh-bu-hmu-gyi cu a ngandamnak a tha ngai, tiah theih a si. Ralhrang phu hna an umnak lei nih an chim ning ah cun a ke a bulmi duh-bu-hmu-gyi Myo Zin Tun cu Ministry of Civil Affairs lei ah an ṭhial i, pumtlamtlinglo in a um caah pension a la lai, tiah theih a si.
Tat-yin-hmu nih bomb aa lamhsual hnu ah ralhrang phu hna nih Thantlang khuachung inn hna cu mei an khangh ṭhan i cu mei an khangh ṭhan mi cu Thantlang khuachung mipi umnak inn a voi 25 an khanghnak a si cang. Thantlang khuachung ah a ummi ralhrang phu hna nih mizapi kaltak mi inn cu baoh in thilri an fir hna, mei in an khangh lengah an khangh lo mi zong an hrawng hna.
Ralhrang phu hna nih Thantlang khuachung inn an khangh mi hi zatceu leng deuh a si cang, tiah theih a si. (NB: Nizan news kan ṭial cia mi ah a tlangtar khenh kan i palhsual caah kan news ṭial a reltu vialte ngaihthiam kan in hla hna). Credit; The Chin post
Russian cawlcangh dan hi europe daihnak ca’h ding ah tihnung a si cucaah German Chancellor Olaf Scholz cu ramhnih biaruahnak ngei ding ah nikhatni ah kyiv a kal i nihinhni ah Moscow a phan than. G7 Finance minister sin in ‘Russian chawhlehnak cu reng le tangka lei phih khar piaknak thawngthanh le cawlcangh a si te men lai tiin ‘ achim theih a si.
Ukraine nih Russian le Europe humhimnak caah dirhmi bu hna cu ‘ Russian nih ralkap thazaang a chepnak hna kong he pehtlai in ‘ i ton biaruahnak ngei ding in a sawm hna. President Joe Biden le President VoLodymr Zelenskiy cu Russia ralkap khamnak ding le ramkhat le ramkhat ton biaruah tinak ngeih ding in an i zuam lio si..
National Security Adviser Jake Sullivan chim ning ah cun ‘Russian nih Ukraine tuzarh ah a tuk lai silohmanhah Bejing Olympic dih cun a si te lai tiin American nih fianghlang tein a chim kho lo ‘ Nain Ralkap cawlcangh dan zoh cun chim awk tha lo si. 21 the chin time
