Nai Te Mizoram Ainak Khua Pawng Lainawnnak Kong Ah CNA Ralbawi Solomon Thang Ding Nih A Chimmi (+VIDEO)
CNA Ralbawi Solomon nih nai Saiha mi pathum an thah mi hna kong ah a chimmi hi video in van zoh ve hmanh! A Tanglei bik te ah video in a chimnak kan chiah piak hna ngai ve hrimhrim uh.
Siaha Khua Mi 3 Thihnak He Pehtlai in Buainak/Hnahnawhnak Tuah Lo Dingin MTP nih Nawlnak An Tuah. March 22, 2023 ah khan Pi. Biaksui, Pu. Lalṭhafamkima le Pu Bablu hna cu misual kut in Myanmar ramri ah an nunnak a liam i, hi thihnak kong he pehtlai in Mara Thyulia Py(MTP), General Headquarters: Siaha(Mara Mino Bu) nih cun buainak/hnahnawhnak tuah lo ding in cathanh an chuah.
“Nunnak a liammi chungkhat cingla kan tuarpi hna i, ruruhranghrang sualnak a tuahtu hi kan dohkalh, hmailei ah hi bantuk sualnak hi cang ti hlah seh tiah theihternak kan tuah. Cozah le palik zong nih hlathlatnak ṭha tein tuah sehlaw, lainawnnak ah aa telmi misual hna cu hremnak pe hna seh tiah kan duh,” tiah nunnak a liammi hna tuarpinak le cozah lei ṭuanvo ngeitu hna zong hmalaknak tuah ding in nawlnak an tuah colh.
Myanmar ram buainak ruangah Mara ram chung a rak zaammi hna dawtnak he an rak zohkhenh hna lio ah hi bantuk thahnawnnak a cang mi cu an duh lo i, “Kan dohkalh caah, a herhning in ṭuanvo kan laak lai,” tiah an langhter. Hilio ah thihlohnak kong he pehtlai in mipi sinah biadik lo thanh lo ding in theihternak an tuah fawn.
Cun, hi thihlohnak ruangah miphun le miphun, bu le khua ti bantuk in buainak/hnahnawhnak tuah lo ding in mipi sinah nawlnak an tuah. “Misual tuahsernak a si ti thei buin, sualnak a tuah ve lo mi cung ah harnak tuah kan duh lo i, mizapi sinah hnahnawhnak tuah lo ding in kan in nawl hna,” tiah MTP general headquarters nih cun cathanh an chuah. The Chin Post
Tuluk Kuri Nak Lawng In Asimi NCA FPNCC 21st Pinlung Conference. Bambawk Le Mantak Asimi NCA 21st Pinlung FPNCC Pi Suu MAL Dr. LHSK Ansiko. KIO UWSA AA TNLA NMDAA SSPP (SSA-N) NDAA – Mailaa cu Tuluk Palai he PEACE tuah awkah UWSA Khualipi Pansai tawnnak an ngei (15-16 March). 17 March 2023 ah Yunan an I tawn rih. Tuluk Palai pa cu Nipidaw ah MAL he an I tawn rih ti asi.
Cucaah Pauchuak Dohthlennak hruaitu hna le NUG lobby rual nih KIA cu Tuluk nih duh paoh in chakhri a merh mi pa tiah an soisel I an thlanglamh caah KIO lobby hna nih lehnak an tuah ve hna.
Tuluk Kuri nak in PEACE an tuah mi cu NCA le 21st Pinlung hi an si kanmah KIO kan silo ti asi. NCA cu Tamada Thein Sein le USDP / Ralhrang Rallokap nih Tuluk bawmhnak in thawk mi asi. 2012 Lakhruak thimhnak ah Pi Suu (PEAHEN) le NLD an lut hnu ah Pi Suu nih NCA tuah awk cu EAOs a fial hna I Tuluk aa rawi thotho.
Pinlung tlinter lo le Federal Amakhan mi a um lo caah kan lut awk asi lo tiah EAOs vialte hnatlak nakin biachah nak le senthuhnak ngeih asi. Cucu Dr. Lian Hmung Sakhong nih a pah chih I Titsa a phoah caah NCA ah a lut. MAH / USDP, Pi Suu / NLD he an I hawikom I EAOs a hawi le cu Dr. Lian nih a kal tak hna. Dr. Lian cu NLD ah a lut beh caah 2020 thimhnak ah NLD nih Chinram ah 90% teinak an hmuh.
EAOs he hnatlaknak lak loin NUG ah a kaltak ṭhan hna. Dr. Lian, NLD le Pi Suu a zumh lomi EAOs nih NUG he an I fawnh duh tilo. Federal Phunghrampi nan suai hnuah NUG ah kan ra lai an ti.
EAOs biachahnak cu Dr. Lian te nih an hrawk caah a tang mi EAOs hna cu NLD le Pi Suu nih Tupung an ti hna I an cihmih awkah Rallokap cu an fial hna.
Tutan nakin Vanlawng in an kah dueh hna, Raldohnak fak dueh in kum 10 chung aum. Dr. Lian nih EAOs a hawikom cu NCA le 21st Panglong ah lut ve awkah a sawm hna caah 2017 ah FPNCC (Federal Political Negotiation and Consultative Committee) cu an dir. NCA le 21st Pinlung ah lut loin Pinlung ningin Federal ram siam awkah le PEACE caah tuah mi FPNCC asi.
FPNCC cu Tuluk nih dirhmi asi lo. Cucu Northern Alliance phu kan ti hna. Ralkap thazang 120000 (+80000) a ngei mi ansi caah anmah lawngin SAC a tei khawh tu ansi.
NUG nih EAOs duhmi Federal siloin NLD le Kawlte duhmi Federal lawng pek an duh caah FPNCC tampi cu raldohnak an I ngawl chung. AA, TNLA, NMDAA, NDAA, SSPP nih Ralhrang doh an ngawl caah Tutan CHINRAM ah an kuat mi Rallokap cu Shan ram le Arakan um mi an si. KIA cu Raldoh an I ngawl rih lo nain hmailei zeidah an lawh hnga.
NUG nih KIA duhmi Pinlung le Federal kha amakhan mi an ngei lo ahcun KIA nih Ralhrang doh aa ngawl ve khawh men. Cutikah a fak dingmi cu CHIN kan si lai. Sakai le Makui ah aum mi kawl miphun kan si te lai.
Rallokap le MAH he aa fonh I ICJ tiang in Ralhrang a khumzual tu Pi Suu le NLD cu Tuluk kuri mi 21st Panglong in an kan kalpi, Chin Khuazing Dr. Lian zong NLD an si ter, hi hna nih tuah mi PEACE hi Tuluk kuri mi asi caah FPNCC le Tuluk tawnnak lawng hi kan soisel awk asi lo. Bambawk le Mantak khi an si ko cu ta.
NUG nih EAOs duhmi Federal a duh lo caah CHIN kan tem tuk cang. NUG nih ramdang bawmhnak a hal lengmang nain mark 10 lawng a hmuh. CNA le CDF nih Mark 100 an hmuh. UN USA cu bawmhnak a hal nain FPNCC bawmhnak a hal ballo NUG nih. FPNCC hi NUG nih bawmhnak an hal khawh ahcun UN USA le ramdang bawmhnak a herh ti lo. By: Joseph R Thang
