Nai teah Mandalay khuapi chungah an kah thah mi Ngaknu Angle kum 19 an thah lio ah a duty ve mi Mandalay khua mi Palek pa nih a chim mi cu,a tu lio Kawlram buaibainak ah mipi a that tu le meithal a kaptu hna khi Palek ngaingai a si lo,Palek thuamthil i hruak in theihlo mi hna minung le kawl ralkap pawl hna an si tiah a chim.hi pa hi Mandalay khuapi in india ram chungah a zam mi a si.
A zam nak konghe pehtlai in a um nak le ai dor nak,a min le Palek a t’uan lio dirhmun,zei rengdah a phanh ti kha langhter kan i tim lo.a si na in a tu lio mipi le ralkap karlak thil um tu ning a chim fiam mi tlawmpal tu kan chim langhter lai.a chim nak ah cun Min Aung Hlaing nih hramhram in Kawlram uk nak a lak ka te khan kei cu ka cohlang lo.mipi t’hen darh nak caah Palek pakhat nih meithal kuanfang takak a si lo mi,kuanfang 50 tluk cio an kan pek pin ah meithal kuanfang taktak 100 cio an kan pek rih tiah a chim.
Amahbelte Palek rian ka t’uan chungah cun ka tuah awk hnga a si mi duty cu pehzulh te in ka tuah t’uan ko.mipi nih biatak tein ralkap uk nak kan duh lo tiah an cawlcangh bak in Cunglei nih order an chuah mi cu Mipi kha hmunkhat ah nan umter hna lai lo,an mah t’hen t’hek nak caah Meithal kuanfang taktak si lo mi,mipi t’hen nak ca i an ser mi kuanfang sawhsawh tu hman dingin an kan chimh.meithal kuanfang takak kha mipi kah nak ah hman ding ti cu an chim lo na in Palek takak a si lo mi ralkap kha an thlah hna i Palek uniform hruk in mipi cu meithal kuangfang taktak in an kah hna.
Mandalay khuapi ah Ngaknu Angle kum 19 an kah ni thok in kei cu Palek Uniform cu ka chiah i CDM ah ka lut.Palek nih ningcang lo in Mipi sin ah hremnak le thah nak taktak an tuah tuk loh.Palek Unform hruk in ralkap pawl nih an kah thah mi hna a si.cun mipi a that tu hna lak i Palek Uniform ai hruk mi hna khi ralkap taktak le Palek taktak an si tiah ruah ding an si lo.mi zeidah an si ti hmanh theih khawh an si lo.a tu ah cun mipi kha hmunkhat ah um lo dingin chimh hna i an duh lo a si ah cun meithal kuanfang taktak kha hman nak nawl an pek cang hna tiah a chim.
Cherhchan: Chcha Varte ( Youtube)
Be First to Comment