Nawlngeihnak Laak Dingin Ralhrang Pawl Tangka Tampi A Rak Pe Tu Pa Le A Fapa Cu,An Tuah Man An Zuun Ve Cang
Nawlngeihnak Laak Dingin Duhlonak Langhternak Dingah Phaisa Sing (800) Lengkai Bawmhnak Petu U Khin Shew Le A Fapa Cu Ing Sein Thonginn Ah An Hrenh!Kum 2021 January thla ah khan Yangon le khuapi ngan deuhnak hmun ah Kawlram ralkap nih nawlngeihnak laak dingin forhfialnak an tuahmi puai caah phaisa tampi a petu Yi Kabar U Khin Shew le a fapa Yi Tyi Hah hna cu Bahan palek sakhan nih an tlaih hnuah Ing Sein thonginn ah an kuat cang tiah FNG nih a langhter.
An tlaih tan ahcun Yangon khuapi chung tawlreltu U Bo Hte zong a tel ve i, Yi Kabar Company riantuantu minung (20) telh in U Khin Shew he aa pehtlaimi minung (60) hrawng zong an tlaih chih tiah theih a si.
Yi Kabar Company ngeitu U Khin Shew cu kum 2021 January thla chungah Yangon khuapi Bahan peng
Shew-Tri-Gan Syi Tyi pawngah ralkap nih nawlngeihnak an laak nakhnga puai an tuahmi ah phaisa sing (800) lengkai bawmnak petu a si i, ralkap nih nawlngeihnak an laak hnuah a ngeihmi Myiah Yik Ngyu Hotel hmunhma cu ralkap nih an tlaihmi paohpaoh cuka ahcun caan karlak hrenh chung dingin hmunhma petu a si tiah theih a si.
Nawlngeihnak laaknak caan kum khat a liam hnuah Min Aung Hlaing chungkhar caah England serchuahKNU Bridage -6 hmunhma, Dupalaya (ဒူးပလာယာ)pengkomh Wolay(ဝေါ်လေ) peng then ah ummi Htekapalay(ထီးကပလယ်) SAC ralkap sakhan cu KNLA phufonh nih March 25 zing Sml 6 ah luhhnawh i SAC lei nih vanlawng in a kah hna caah hnu an tolh than tiah Karen thawng zamh nih a langhter.
RELCHAP..SAC ralkap sakhan hi KNLA batallion 103, KNDO, DKBA i bawm in an dohmi hna a si tiah theih a si. An doh hna lio ahhin 40mm, 60mm kuan cheukhat an lak khawh i kaphnih in a thi le aa hliam mi fiang tein theih khawh a si rih lo.
March 21 zong ah Wolay peng then, Mawkhi(မောခီး) SAC ralkap sakhan cu KNLA, KNDO, DKBA, PDF phufonh nih an doh i SAC ralkap pakhat a nung in an tlaih pin ah Ralkap tam pi nih an sakhan an zaam tak i KNLA phufonh hna nih hriamthil tampi an rak lak.mi Jaguar F Type motor zong laksawng ah a pek rih hna tiah FNG nih a langhter.
Chin ramkulh Mindat khuachung hrambunh khah-lah-yah -274 battalion in SAC ralkap pakhat cu a meithal le kuanfang hna he CDF-Mindat sin March 25 ah a phan tiah theih a si.
” SAC ralkap pakhat a si, March 24 chun slm 1:30 hrawng ah a rak zaam, nihin kan sin ah dai te le hnangam tein a phan cang” tiah CDF-Mindat in chim phuannak nawlngeitu Salai Ha Uam nih a chim. Thil sining fianghlang cu CDF-Mindat page ah kan langhter te lai tiah a chimchap.
March 24 Mindat ah a phanmi SAC ralkap phu motor 84 cu March 25 ah Mindat in an chuak i Mindat-Matupi mengtung 10 hmunhma ah an i din, zei ruangah an i dinh cu theih a si rih lo tiah Salai Ha Uam nih cun a chim chih.
Nikhat Chungah SAC Ralkap 40 Leng An Thi Tiah NUG Nih ThanhMarch 24, nikhat chungah SAC ralkap 40 leng an thi tiah NUG nih cathanh an chuah i cathanh i langhter mi nakin a tak ah a thimi an tamdeuh kho tiah an langhter i hliamhma tuarmi minung 14 an si tiin an langhter chih.
February 7 in March 6 tiang thlakhat chungah SAC ralkap 2,095 an thi i, minung 637 nih hliamhma an tuar tiah NUG nih cun an langhter.
