Press "Enter" to skip to content

Ngaihchia Tuk Ee! SAC Ralhrang Nih Sualnak Ngailo Khuami Minung 4 Mei In An Khangh Hna

Sagaing ramṭhen, Kata peng Pinlaypin khua kam April 30 ah, SAC ralkap le PDF kahdohnak a chuah dih in sualnak ngei lo khuami 4 SAC ralkap nih mei in an khangh hna. A luancia April 30 lio ah Kata peng Pinlaypin khua kam pe 50 lam pawng ah mei in an khangh hna hi a si. Mei khangh a tongmi hna cu- Myo Thant(kum 44), Myint Ṭin(kum 42), Soe Moe Aung(kum35) le Win Myint(kum 34) hna an si. Khuami 6 zong SAC ralkap nih an tlaih hna, tiah theih a si.

A luancia April 30 zing sml 10:30 hrawng ah Pinlaypi khua in Chauhmyathna(ခြောက်မျက်နှာ) khua lei ah rallam a sialmi SAC ralkap pawl cu, Kata- PDF Battalion 3, Kata Pah Kah Phah fonhkomh phu hna nih kan kah hna caah SAC ralkap 15 an thi, 20 hrawng hliamhma an pu, tiah Kata-PDF in cathanh an chuah. A luancia April 27 in 30 tiang ah Kata peng Inn khua komh ah SAC ralkap nih khuami 30 cu, ral i khamhnak ca ah an tlaih hna. Inn khua, Pinlaypin le Samonsuh khua ah inn 15 nak tlawm lo an khangh pinah Sui le ngun sing 2000 leng man an fir, tiah Ka ta- PDF nih cathanh an chuah. Credit; The Chin Post

Relchap; Uico le Rallokap (MAH) te tahchun mi kong ka ruat tawn. Uico cu a bawipa a theih, a cawmtu a cing, a bawipa Ie a chungkhar zong a hngalh dih hna. Abawi pa nunnak achanhtu uico hi tuanbia ah tampi kan hmuh khawh. Cawmtu le dawtu ahngalh bak lomi MAH te Rallokap le uico kan tahchun tikah UICO caah a fak khun ko. Uico tiah vung ti awk hmanh ah aatlak hrim lomi MAH le Rallokap an si. Uico nakin a niam deuh mi sining le dirhhmun a ngeih mi MAH le Rallokap an si ko lo ma?

Duh Bochuhmuci Soe Win nih Irrawaddy Times ah a chimh mi bia hi tuak tikah Rallokap cu Uico nakin an niam deuh kha hngalh khawh asi. Rallokap nih pekmi a ei mi vialte nih Rallokap dawtnak nan hngalk bak a herh ati. Rallokap ah titsa nan ngeih lai I, Rallokap caah nan thih ngam a herh ati diam ko. Lotlau bak asi. Falam dan in LAIMI KAN CEM ti cu hi vek asi.

Hanthawaddy U Win Tin nih Rallokap dawtnak cu zurit buin hnimh awk um lo tiang in asi ati. Anmah Rallokap phaisa in an cawm hna bangin bia achim. An hngalh lo ning le an hrut ning hi cu apit bak ko. Chimh awk um lo tiang in pumpi hruh in a hrut mi Soe Win le Rallokap Lubo rual an si ko lo ma. Ralkap sawhsawh cu thih men ding in Ralram ah an kuat hna. Ahmei mi Rallokap pa nupi cu meithal an pek I sentary an cawng ter. Rallokap an fa le rual zong an duh na loin raldohnak tindan an kai ter hna.

Ava nih athih tak mi Rallokap pa innchung nu zong cawmcawh fung an zuk hna I cuticun nupi ah an I ser. Baibol um hlawhhlang nu (Profet Hosea nupi) camcawh fung zuk bang le maw, ka thin hi aw. Rampi phaisa in an cawm ko hna mi cu, anmah Rallokap bawizik hna nih cawm Bantukin an cawn piak hna, salchiat bik bangin an fial hna, an thih zong ah apawi lo an ti. Ram le miphun caah thih ding in bia an kam ter hna nain, Ram le mipi Thattu ah an sersiam hna. Rallokap bawizik rual rumnak le bawisi zungzal nak caah an nunnak an pek ter hna. Cucu miphun le ram caah nunnak an pek hna tiah an hlen hna.

Mipi thlanti le thisen man asi mi ngunkhuai cu hmang in, rampi phaisa vialte cu hmang in, Mipi thahnak ah ahmang tu nih cun maw, Rallokap cu an cawm tak ko. Mipi zong Rallokap nih kan in cawm hna an ti ngam rih. Pu Soe Win le MAH te hi an fim ko ahcun, minung an si ko ahcun, Uico tluk an si ko ahcun, Mipi tirawl le phaisa in cawmmi Rallokap an si hi an hngalh a herh. Cucu an hngalh hlan lo cu UICO an tluk khawh bal lai lo.

Minung si hi cu chimh hau lo asi ko. Dawtu le cawmtu mipi hngalh lo mi nih cun maw ram ka dawt an ti ngam ve. Uico hmanh atluk lo mi MAH le Rallokap he aa Hawikom mi, Dr. Hmuh Thang, Dr. Andrew Ngun Cung Lian, Dr. Ba Mg, Pu Ngun San Aung (Thang Thang Pa), Pu Zo Peng, Pu Thla He, Bochu Chhipa, ZRA le MDF hna nih, ZA UK pennak le duhdim nun kan tlunpi lai an hei ti ngam rih, ningzak hi hngalh pah tua uh, minung nan si ko ahcun. Milai Dr pipi nih Uico nakin aniam deuh mi dirhhmun I thimh zong cu a nuam nan ti ko maw zei?

Dawtnak le dawtu nan hngalh ko ahcun, Mipi titsa phoah nan si lo ahcun, Mipi sin ah nan um awk asi. Mipi Sifahnak le Retheih nak tu kha nan I thimh deuh awk asi. Mah Sunpar nak lawng duh, mah bawicannak lawng khuakhan, Ralhrang MAH he I Hawikom hei ti te hna cu, nan zemlo van ṭha, that viar ding lawngte, hloah viar ding lawngte, nu paw chung in a ti in zuk ding pawl lawngte nansi ko.

Nannih an hrintu sunghno nu cu mi vanchiat a si ko. Mipi ah titsa ngeih loin, MAH le Ralbawi zik sin ah saal tu nan ṭuan. Pa bik nih Rallokap asi caah, kan dong te in Tazinhmuh pa nupi hni suk viar cu aw, apoit tuk ko. Kan nunnak, kan thisen, kan meithal, kan Ralkap nunnak, Vanlawng kahnak, miapi tbk cu nan lak khawh ko lai nain, kan lungput le hmuitinh cu nan thah khawh lai lo. Ralhrang Rallokap cihmih awk ah kan hmuitinh le lungthin, Mah tein khuakhan Lairel nak phung asi mi Federal pennak tlinter awk hna cu nan thah in nan ngawl ter khawh bal lailo. Credit-Zingtincuai Cinzah

Be First to Comment

Leave a Reply

Your email address will not be published.